សម្ពន្ធភាព ៥ ដែលធ្វើឲ្យជីវិតអ្នកកាន់តែមានន័យ

តើអ្នកឲ្យអត្ថន័យនៃសម្ពន្ធភាពដូចម្តេច? មនុស្សជាច្រើនឲ្យនិយមន័យសម្ពន្ធភាពជាការប្រាស្រ័យទាក់ទងជាមួយអ្នកដទៃ ជាការស្វែងរកដៃគូស្នេហា ឬដៃគូជីវិត។ នៅត្រង់នេះយើងនឹងផ្តល់អត្ថន័យថ្មីនៃសម្ពន្ធភាព ហើយមានសម្ពន្ធភាព ៥ យ៉ាងដែលធ្វើឲ្យជីវិតរបស់អ្នកកាន់តែមានន័យ និងមានតុល្យភាពបើអ្នកអាចគ្រប់គ្រងពួកវាបាន។ ១ សម្ពន្ធភាពនឹងវត្ថុ ពេលដែលកុំព្យូទ័រអ្នកមិនដំណើរការ បើអ្នកវាយខ្លាំងៗ ឬគោះវាដោយគ្មានត្រាប្រណីវា មិនអាចជួយអ្វីបានក្រៅពីធ្វើអោយវាខូចខាតកាន់តែធ្ងន់ធ្ងរប៉ុណ្ណោះ។ ផ្ទុយទៅវិញបើអ្នកស្វែងរកឫសគល់នៃបញ្ហា ឬស្វែងរកអ្នកដែលដឹងពីបញ្ហាមកជួយជួសជុល នោះបញ្ហានឹងត្រូវដោះស្រាយ ដោយមិនខាតបង់ពេលវេលា ឬថវិកាច្រើន។ ឧទាហរណ៍មួយទៀតគឺរវាងមនុស្សពីរនាក់ ម្នាក់ចោលសំរាមគ្រប់កន្លែង និងម្នាក់ទៀតសុខចិត្តធ្វើដំណើររាប់គីឡូម៉ែត្រដើម្បីរកធុងសំរាមដាក់សំរាមរបស់ខ្លួនដោយមានរបៀប។ មនុស្សដែលចោលសំរាមដោយគ្មានសណ្តាប់ធ្នាប់ជាធម្មតា ច្រើនមិនអាចសម្រេចអ្វីមួយបានល្អក្នុងជីវិត ព្រោះគេខ្វះការអត់ធ្មត់ និងមិនចេះស្រលាញ់បរិស្ថានដែលនៅជុំវិញខ្លួន។ សម្ពន្ធភាពរវាងអ្នក និងវត្ថុនៅជុំវិញខ្លួនក៏ជារឿងសំខាន់ដែរ។ បើអ្នកចេះស្រឡាញ់ និងគោរពវត្ថុនៅជុំវិញខ្លួន ភាពវិជ្ជមាននឹងកើតមានកាន់តែច្រើនក្នុងជីវិតរបស់អ្នក។ ២ សម្ពន្ធភាពជាមួយអ្នកដទៃ បើអ្នកជាមនុស្សចូលចិត្តបញ្ចេញកំហឹង រិះគន់ ស្អប់ ច្រណែន ឈ្នានីសចំពោះសមិទ្ធផលអ្នកដទៃ  នោះចិត្តរបស់អ្នកមិនមានសន្តិភាពទេ។ ទាំងអ្នកដែលអ្នកបញ្ចេញអារម្មណ៍ទាំងនេះលើ និងអ្នកខ្លួនឯងសុទ្ធតែមិនមានអារម្មណ៍រីករាយដូចគ្នា។ អ្នកដទៃអាចនឹងមិនចង់ប្រាស្រ័យទាក់ទងនឹងអ្នក ឬព្យាយាមគេចចេញពីអ្នក ដែលនេះជាលទ្ធផលនឹងធ្វើឲ្យការងារ ឬជីវិតអ្នករស់នៅដោយមិនមានសន្តិភាព។ តែបើអ្នកជ្រើសរើសយកការគោរព ស្រឡាញ់ និងលើកទឹកចិត្ត  នោះអ្នកនឹងបានមកវិញនូវចំណុចទាំងអស់នោះដែរ។ មនុស្សដែលជោគជ័យ និងមានជំនឿជាក់លើខ្លួនឯងច្រើន ចូលចិត្តចែករំលែកក្ដីស្រឡាញ់ និងការលើកចិត្តដល់អ្នកដទៃ បើទោះជាពួកគេស្ថិតក្នុងស្ថានភាពលំបាកក្នុងជីវិតក៏ដោយ […]

អានបន្ថែម

ធ្វើ​យ៉ាង​ម៉េច​ទើប​អាច​​​បាន​ការ​គោរព​ពី​មនុស្ស​ចាស់​​​ បើ​អ្នក​ជា​អ្នក​ដឹកនាំ​វ័យ​ក្មេង?

បរិយាកាស​ការងារ​បច្ចុប្បន្ន​កំពុង​ផ្លាស់ប្ដូរ​យ៉ាង​រហ័ស​ ​​ដើម្បី​អាច​ឈរ​ជើង​ក្នុង​ក្រុមហ៊ុន​ណាមួយ​ បុគ្គលិក​មិន​ថា​​ចាស់​ក្មេង​ត្រូវ​អភិវឌ្ឍ​ជំនាញ​ និង​ភាព​ជា​អ្នក​ដឹកនាំ​របស់​ខ្លួន​​​ឲ្យ​បាន​លឿន​ពុំ​ដូចនោះ​ ​មនុស្ស​មក​ក្រោយ​អាច​នឹង​ឡើង​លើ​អ្នក​​ដោយ​​មិន​គិត​ពី​អាយុ។ ​​បើ​អ្នក​ទើប​នឹង​ក្លាយ​ជា​អ្នក​ដឹកនាំថ្មីៗ ​​​​ដែល​មាន​វ័យ​ក្មេង​ផង ​តើ​ធ្វើ​យ៉ាង​ណា​ទើប​អាច​​ទទួល​បាន​ការ​គោរព​ពី​បុគ្គលិក​ដែល​មាន​វ័យ​ចាស់​ជាង? មុន​នឹង​និយាយ​ពី​ចំណុច​នេះ​ យើង​មើល​ពី​និន្នាការ​ការងារ​សព្វថ្ងៃ​ជាមួយ​សិន។​   ការ​កើន​ឡើង​នៃ​អ្នក​បច្ចេកទេស​​វ័យ​ក្មេង​ដែល​មាន​ជំនាញ​ខ្លាំង​ពិសេស​ពាក់ព័ន្ធ​នឹង​បច្ចេវិទ្យា​ ធ្វើ​ឲ្យ​ពួកគេ​ភាគ​ច្រើន​ឈរ​នៅ​តំណែង​ធំៗ​នៃ​បណ្តា​ក្រុមហ៊ុន​នានា។ ​​​បើ​តាម​ទិន្នន័យ​របស់​ក្រសួង​ការងារ​អាមេរិក​ ​១២ ​ភាគរយ​នៃ​អ្នក​ធ្វើការ​វ័យ​ក្មេង​ (អាយុ​ពី ​២០ ​ដល់​ ៣៤) ​គឺ​ជា​នាយក​ក្រុមហ៊ុន។ ​ក្រៅ​ពី​នេះ ​បរិយាកាស​ការងារ​ក៏​ផ្លាស់ប្តូរ​ដូចគ្នា​ ក្រុមហ៊ុន​​នានា​ក្លាយ​ជា​បណ្តុំ​នៃ​អ្នក​ធ្វើការ​ចម្រុះ​វ័យ ​​​​ ​​បុគ្គលិក​គ្រប់​រូប​ក្នុង​ក្រុមហ៊ុន​ដើរ​តួ​នាទី​សំខាន់​ក្នុង​ការ​ជំរុញ​ក្រុមហ៊ុន​ជាជាង​ពឹង​ផ្អែក​ទៅ​លើ​នាយក​តែ​ម្នាក់​​ និង​គម្រោង​ព្រម​ទាំង​​ការ​ផ្តោត​ទៅ​លើ​ការបម្រើ​​​អតិថិជន​ក៏​កាន់​តែ​កើន។ ​​ក្រុមហ៊ុន​មួយ​ចំនួន​ងាក​មក​ ផ្តល់​ការងារ​ផ្តោត​លើ​ឥរិយាបថ​ជាជាង​បទ​ពិសោធន៍។ ​​​ជំនឿ​នៅ​កន្លែង​មួយ​ចំនួន​យល់​ថា ​បុគ្គលិក​​ឥរិយាបថ​ល្អ​​អាច​បង្រៀន​ជំនាញ​​ដើម្បី​ធ្វើការ​ឲ្យ​មាន​ប្រសិទ្ធភាព​នៅ​ពេល​ក្រោយ។ ​​​​ហើយ​បរិយាកាស​បែប​នេះ​ហើយ​ ដែល​ផ្តល់​ឱកាស​ដល់​បុគ្គលិក​វ័យ​ក្មេង​​ដែល​ចូល​ធ្វើ​ការ​​ក្រោយ​មាន​កម្លាំង​ចិត្ត​ធ្វើ​ការ​រហូត​ចាប់​យក​តំណែង​ធំៗ​ក្នុង​ក្រុមហ៊ុន​បាន​លឿន​ជាង​បុគ្គលិក​វ័យ​ចាស់។ លោក​ David Karp ​ស្ថាបនិក ​និង​នាយកប្រតិបត្តិ​វ័យក្មេង​របស់​ក្រុមហ៊ុន​ Tumblr.   ចុះ​​មេដឹកនាំ​វ័យ​ក្មេង​ធ្វើ​យ៉ាង​ណា​ដើម្បី​បាន​​ការ​គោរព​ពី​បុគ្គលិក​ក្រោម​បង្គាប់​ដែល​ចាស់​ជាង​ខ្លួន?   បុគ្គលិក​វ័យ​ចាស់​ច្រើន​មិន​ឲ្យ​តម្លៃ​ក្មេងៗ​ជំនាន់​ក្រោយ​ដោយ​គិត​ថា ​​ពួកគាត់​មាន​បទ​ពិសោធន៍​ច្រើន​ឆ្នាំ​ និង​ចាស់​ទុំ​ក្នុង​ការងារ​ជាង។ ​ពួកគាត់​ភាគច្រើន​នៅ​តែ​ប្រកាន់​ផ្នត់​គំនិត​ថា ​អាយុ​ជា​តឹកតាង​នៃ​សមត្ថភាព។ ​​​​តែ​ភាព​ជឿនលឿន​នៃ​បច្ចេកវិទ្យា​​   មនុស្ស​ក្មេង​ៗ​អភិវឌ្ឍ​ខ្លួន​បាន​រហ័ស​​ជាង​មនុស្ស​ចាស់។​​ អ្វី​ដែល​មនុស្ស​ចាស់​ចេះ​មនុស្ស​វ័យ​ក្មេង​អាច​រៀន​ចេះ​ តែ​អ្វី​ដែល​មនុស្ស​វ័យ​ក្មេង​ចេះ​ចាស់​ៗ​តាម​មិន​ទាន់ និង​រៀន​មិន​ចេះ​ក៏​មាន។ ​ដូច្នេះ​ដើម្បី​ឲ្យ​​បុគ្គលិក​ចាស់ៗ​គោរព​អ្នក​ ​ក្នុង​នាម​ជា​អ្នក​ដឹកនាំ​​ថ្មី ឬ​វ័យ​ក្មេង​ […]

អានបន្ថែម

៦ ​ចំណុច​ឆ្ពោះ​ទៅ​ការ​បង្កើត​ហាង​កាហ្វេ​ដែល​គួរ​យល់​ដឹង

មនុស្ស​ភាគច្រើន​តែង​មាន​ក្ដី​ស្រមៃ​ថា ​ចង់​មាន​អាជីវកម្ម​ខ្លួន​ឯង​ជាជាង​ការ​ធ្វើ​ការ​ឲ្យ​អ្នក​ដទៃ។ ​ក្នុង​ចំណោម​អាជីវកម្ម​ជា​ច្រើន​ ​អាជីវកម្ម​ហាង​កាហ្វេ​កំពុង​ទទួល​ការ​ចាប់អារម្មណ៍​​​ពី​សំណាក់​សហគ្រិន​​ បច្ចុប្បន្ន។ ​​​ការ​បើក​ដំណើរការ​អាជីវកម្ម​ប្រភេទ​នេះ។ ១.​ កំណត់​​ប្រភេទ​ហាង​កាហ្វេ​ដែល​អ្នក​ចង់​បើក កំណត់​ទំហំ​ទឹកប្រាក់​ដែល​អ្នក​មាន​លទ្ធភាព​បើក។ ​​សួរ​ខ្លួន​ឯង​ថា ​តើ​អ្នក​ចង់​សេង​ហេង​កាហ្វេ​ដែល​មាន​ស្រាប់ ​ទិញ​​ស្លាក​យីហោ (Brand) ​​ហាង​កាហ្វេ​ល្បី ​ឬ​ចង់​ចាប់​ផ្ដើម​ហាង​កាហ្វេ​​ថ្មី​សន្លាង​ដោយ​ខ្លួន​ផ្ទាល់? ​ទន្ទឹម​គ្នា​នេះ​ អ្នក​ក៏​ត្រូវ​គិត​ផង​ដែរ​ថា ​តើ​អ្នក​ចង់​ជួល​បុគ្គលិក​ ឬ​​ចាប់​ផ្ដើម​ធ្វើ​ជា​ថៅកែ និង​កូន​ឈ្នួល​ដោយ​ខ្លួន​ឯង​។ ២. ​ស្វែងយល់​ពី​មុខ​ជំនួញ​នេះ​ជា​មុន ​អ្នក​អាច​សាកល្បង​​សុំ​​ធ្វើ​ការងារ​ជា​អ្នក​ឆុង​កាហ្វេ​ ​និង​ភេសជ្ជៈ​​​​នៅ​ហាង​កាហ្វេ​ជោគជ័យ​ណាមួយ​ដើម្បី​អាច​ឲ្យ​អ្នក​អាច​ សិក្សា​ស្វែង​យល់​ពី​ ​របៀប​ឆុង​​កាហ្វេ​ ឬ​លាយ​ភេសជ្ជៈ​ដទៃ។ ​ស្រប​គ្នា​នេះ​ដែរ ​អ្នក​អាច​សង្កេត​មើល​ពី​​ដំណើរការ​អាជីវកម្ម​ទាំង​មូល ការ​​គ្រប់គ្រង​ និង​ស្រូប​ទាញ​​អតិថិជន​ពី​អ្នក​គ្រប់គ្រង​របស់​អ្នក។ ៣. ​បង្កើត​គម្រោង​ផែនការ ​ចំណុច​ទី​ ៣ ​ដែល​អ្នក​ត្រូវ​ធ្វើ​គឺ​ បង្កើត​គម្រោង​ផែនការ​អាជីវកម្ម​ដែល​បរិយាយ​ពី​តម្លៃ​​ជាវ​ផលិតផល​ ​បរិក្ខារ​ផលិត ​​ការ​ទិញ​អាជ្ញាប័ណ្ណ ​​និង​សម្ភារៈ​ប្រើប្រាស់​នានា​ដែល​អ្នក​ត្រូវ​ការ​ក្នុង​ការ​បង្កើត​​ អាជីវកម្ម​នេះ។ ៤. ​ជ្រើសរើស​ទីតាំង ​បន្ទាប់​ពី​សរសេរ​ផែនការ​ហើយ​ អ្នក​ត្រូវ​​កំណត់​ទីតាំង​ដែល​ចង់​បង្កើត​ជំនួញ។​ ​ទីតាំង​នៃ​ជំនួញ​ត្រូវ​ឲ្យ​សម​ទៅ​នឹង​ប្រភេទ​អតិថិជន​ដែល​អ្នក​ចង់​បាន។ ​​ទីតាំង​ដ៏​ល្អ​គួរ​ស្វែង​រក​កន្លែង​ដែល​សម្បូរ​មនុស្ស​ធ្វើ​ដំណើរ​ ឆ្លងកាត់ ​​និង​មាន​កន្លែង​ចត​យានជំនិះ​ងាយស្រួល។ ៥. ​ផ្សព្វផ្សាយ​ ​ដើម្បី​ឲ្យ​អតិថិជន​របស់​អ្នក​បាន​ដឹង​ថា ​ពី​អាជីវកម្ម​ថ្មី​របស់​អ្នក​ត្រូវ​ធ្វើការ​ផ្សព្វផ្សាយ។ ​​ការ​ផ្សព្វផ្សាយ​​អាច​ធ្វើ​ឡើង​ក្រោម​រូបភាព​ផ្សេងៗ​គ្នា​ទៅ​តាម​ទំហំ​ ថវិកា​របស់​អ្នក​​ដូចជា […]

អានបន្ថែម

គ្មានលុយ មេដឹកនាំនៅតែអាចលើកទឹកចិត្តបុគ្គលិកបានតាមវិធីទាំងនេះ

ការលើកទឹកចិត្តត្រូវបានធ្វើឡើងជាច្រើនទម្រង់ជាច្រើនរូបភាពខុសៗគ្នា។ ក្រុមហ៊ុនធំៗគឺយកការវាយតម្លៃប្រចាំត្រីមាស ប្រចាំឆមាស ប្រចាំឆ្នាំដើម្បីវាស់ស្ទង់ការរីកចម្រើន និងលើកទឹកចិត្តដោយការដំឡើងតំណែង ប្រាក់ខែ និងផ្ដល់ជាប្រាក់រង្វាន់។ ចុះបើគ្មានលុយ តើមេដឹកនាំគួរលើកទឹកចិត្តបុគ្គលិកដោយវិធីណា? វិធី​មួយ​ចំនួន​អាច​ជួយ​លើក​ទឹកចិត្ត​បុគ្គលិក​បាន​ដោយ​មិន​បាច់​គិត​ដល់​រឿង​ប្រាក់។ ចាប់ផ្តើមពីខ្លួនឯងជាមុនសិន តើអ្នកមានការស្រឡាញ់គោលដៅ និងបេសកកម្មរបស់អង្គភាពរបស់អ្នកឬអត់? បើខ្លួនអ្នកគ្មានផង កុំរំពឹងថា អ្នកអាចធ្វើឲ្យអ្នកនៅក្រោមបង្គាប់មានកម្លាំងចិត្តធ្វើការ។ ដូច្នេះដំបូងខ្លួនអ្នកត្រូវពង្រឹងការប្តេជ្ញាចិត្ត និងការស្រឡាញ់លើការងារអ្នកជាមុនដើម្បីឲ្យអ្នកជុំវិញមើលឃើញថា អ្នកពិតជាមនុស្សគួរឲ្យដើរតាមមែន។ ប្រាប់ពីគោលដៅបេសកកម្មដល់បុគ្គលិកគ្រប់រូប ត្រូវចែករំលែកពីគោលដៅដែលអ្នកចង់ទៅ គោលបំណង និងបេសកកម្មដើម្បីសម្រេចគោលបំណងនោះជាមួយមនុស្សដែលធ្វើការជាមួយអ្នក។ ការបង្ហាញនេះធ្វើឲ្យអ្នកទាំងនោះមានអារម្មណ៍ថា ពួកគេជាចំណែកមួយនៃរូបភាពដ៏ធំ។ ការដឹងគោលដៅដែលត្រូវទៅ និងអារម្មណ៍នៃការរួមចំណែកនេះហើយ ដែលធ្វើឲ្យពួកគេយល់ថា ការងាររបស់ពួកគេមានសារៈសំខាន់ដើម្បីសម្រេចគោលបំណងធំ។ ផ្តល់ឱកាសដល់បុគ្គលិកឲ្យពង្រីកសមត្ថភាព ការរៀនសូត្រ និងអភិវឌ្ឍខ្លួន ស្វែងយល់ពីភាពខ្លាំង និងសមត្ថភាពពិតរបស់បុគ្គលិកម្នាក់ៗ ដើម្បីពង្រីកសក្តានុពលដែលពួកគេមានស្រាប់។ ពេលពួកគេអាចធ្វើអ្វីដែលខ្លួនឯងពូកែ នោះលទ្ធផលការងារនឹងកាន់តែល្អ។ ពេលដែលបុគ្គលិកធ្វើការបានល្អ និងក្រុមហ៊ុនមានការរីកចម្រើន គួរផ្តល់ឱកាសការងារ និងវគ្គបណ្តុះបណ្តាលតាមពេលវេលាដ៏សមស្រប។ ទទូលស្គាល់ និងលើកសរសើរ ការសិក្សាជាច្រើនរកឃើញថា ការផ្តោតទៅលើភាពខ្លាំងជាជាងចំណុចខ្សោយ និងលើកសរសើរនៅពេលដែលត្រូវលើកសរសើរនោះនឹងធ្វើឲ្យលទ្ធផលការងាររបស់បុគ្គលិកកាន់តែប្រសើរ។ ការទទួលស្គាល់ស្នាដៃ និងការលើកសរសើរមិនចាំបាច់ជាប្រាក់កាសអីទេ។ ការទះដៃ និងសរសើរពីលទ្ធផលការងារនៅក្នុងអង្គប្រជុំ ឬនៅពេលសម្រេចកិច្ចការណាមួយដោយលទ្ធផលល្អ ឬការសរសេរម៉ែលស្ញើចសរសើរសមល្មមនឹងជំរុញទឹកចិត្តឲ្យធ្វើការកាន់តែខ្លាំងក្លា ទៅតាមស្ថានភាពជាក់ស្តែងណាមួយដែលអ្នកគិតថា សក្តិសម។ ពេលខ្លះការទិញនំខេកតូចមួយអបអរ […]

អានបន្ថែម

ចំណុច​បីយ៉ាង​ជំរុញ​ចិត្ត​ឲ្យ​ក្លាយ​ជា​សហគ្រិន​ទោះ​គ្មាន​បទពិសោធន៍​ក៏ដោយ

ដើម្បី​ក្លាយ​ខ្លួន​ទៅ​ជា​សហគ្រិន​ម្នាក់​មិន​ចាំ​បាច់​ថា ​អ្នក​ត្រូវ​មាន​ជំនាញ​មួយ​ខ្លាំង ​​​បទ​ពិសោធន៍​ក្រាស់ក្រែល​​ ​ឬ​អាយុ​ច្រើន​នោះ​ទេ។ ​អ្នក​អាច​ចាប់​ផ្ដើម​ពី​គ្រប់​កន្លែង​ ​​​គ្រប់​វ័យ ​និង​​គ្រប់​ពេល​វេលា ​​អ្វី​ដែល​សំខាន់​នោះ​គឺ​អ្នក​ចង់​​​បង្កើត​អ្វី ​ហើយ​​ចង់​ធ្វើ​វា​កម្រិត​ណា។ ​​​ចំណុច​ខាងក្រោម​អាច​ជំរុញ​ចិត្ត​​ និង​តម្រង់​ទិស​អ្នក​ថា ​​មិន​ចាំ​បាច់​មាន​អ្វី​ក៏​អ្នក​អាច​ចាប់​ផ្ដើម​បាន​ដែរ។ ១៖​​​​នៅ​ក្មេង​ ហើយ​គ្មាន​បទ​ពិសោធន៍​​អត់​បញ្ហា គ្មាន​បទ​ពិសោធន៍​មិន​ត្រឹម​តែ​មិន​មែន​ជា​ឧបសគ្គ​ទេ ​តែ​ពេល​ខ្លះ​វា​អាច​ជា​គុណសម្បត្តិ​ទៅ​វិញ។ ​​​មិន​ដឹង​ពី​អ្វី​ដែល​ខ្លួន​កំពុង​ធ្វើ​មាន​ន័យ​ថា ​អ្នក​មិន​ដឹង​ពី​អ្វី​ដែល​អ្នក​ដទៃ​កំពុង​ធ្វើ​លើ​​រឿង​នេះ​​​ដូចគ្នា។ ​​​ពេល​ខ្លះ​ការ​មិន​ដឹង​នេះ​ ធ្វើ​ឲ្យ​អ្នក​បង្កើត​គំនិត​ថ្មី​ប្លែក​​ដែល​មិន​ធ្លាប់​មាន​នរណា​នឹក​ដល់។ ​​​​ដូច​ករណី​ អ្នក​នាង​ Sara Blakely ​​​ជា​ស្ថាបនិក ​និង​ម្ចាស់​ក្រុមហ៊ុន​ Spanx ​បាន​ចែក​រំលែក​ក្នុង​​កម្មវិធី​ Global Showcase ​ថា ​​​ដើម្បី​បង្កើត​មុខ​ជំនួញ​របស់​នាង​ឡើង ​នាង​ព្យាយាម​គិត​ថា ​​តើ​នាង​​អាច​ធ្វើ​កិច្ចការ​នីមួយៗ​យ៉ាង​ម៉េច​បើ​សិន​ជា​​នាង​មិន​ដឹង​អ្វី​ទាំង​អស់។ ​​​​វិធីសាស្ត្រ​នេះ​ ​​បាន​បង្កើត​នូវ​ការ​គិត​ថ្មី​​ ដែល​អាច​ជា​ហេតុផល​មួយ​ឲ្យ​អ្នក​​បង្កើត​​​ជំនួញ​មួយ​ដោយ​មាន​គំនិត​​ល្អៗ​​យក​មក​បញ្ចូល​ជា​​ជាង​​​អង្គុយ​រង់ចាំ​ឱកាស​មក​ដល់។ ២៖ ​ចូលរួម​ការងារ​សហគមន៍ ​​​ដើម្បី​ជំរុញ​ចិត្ត​​ និង​ទទួល​យក​ថាមពល​ផ្លូវ​ចិត្ត​​លើ​ភាព​ជា​សហគ្រិន​  ​​ ​​មិន​ចាំ​បាច់​ទាល់​តែ​ចូលរួម​សិក្ខាសាលា​ធំ​ៗ​និយាយ​ពី​សហគ្រិន​ទេ។ ​​អ្នក​អាច​ទាក់ទង​​អ្នក​ដែល​កំពុង​ធ្វើ​ជា​សហគ្រិន ​ព្យាយាម​ស្វែង​យល់​ ហើយ​អង្កេត​មើល​ថា ​​តើ​ពួកគេ​បញ្ជ្រាប​គំនិត​ទៅ​ក្នុង​គម្រោង​អាជីវកម្ម​ដូចម្ដេច​ ហើយ​បន្ទាប់មក​​រៀន​ពី​​ចំណុច​ទាំង​នោះ។ ​មនុស្ស​ប្លែកៗ​ដែល​អ្នក​ជួប​នៅ​ក្នុង​សង្គម​​អាច​នឹង​​ក្លាយ​​​​ជា​គ្រូ​ដើម ​​អ្នក​ផ្ដល់​ប្រឹក្សា ​​ឬ​ក៏​ជា​អ្នក​វិនិយោគ​ក៏​ថា​បាន។ ​​​តែ​ដើម្បី​បង្កើត​​ឱកាស​​​ឲ្យ​ខ្លួន​ឯង​​គឺ​អ្នក​ផ្ទាល់​ត្រូវ​ចូលរួម​សង្គម ​ត្រូវ​ទៅ​ស្គាល់​ពួកគេ​មុន ​ព្រោះ​ពួកគេ​ទាំង​នោះ​​មិន​មក​រក​អ្នក​មុន​ឡើយ។ ៣៖ […]

អានបន្ថែម

ដើម្បីជោគជ័យអ្នកដឹកនាំត្រូវការ ៤ ចំណុចនេះជាចាំបាច់

“ភាព​ជា​អ្នក​ដឹកនាំ” ​ត្រូវ​បាន​គេ​ដាក់​និយមន័យ​ផ្សេងៗ​គ្នា ​ទៅ​តាម​បុព្វបទ​ខុសៗ​គ្នា។ ​​អ្នក​ខ្លះ​សំដៅ​ទៅ​លើ​ប្រមុខ​រដ្ឋ ​​អ្នក​នយោបាយ ​ប្រធាន​ក្រុមហ៊ុន​ ។ល។ ​​អ្នក​ជំនាញ​​លើ​ភាព​ជា​អ្នក​ដឹកនាំ​លោក​ James McGregor Burns ​​បាន​ណែនាំ​​ផ្នត់គំនិត​​ស្តី​ពី​ភាព​ជា​អ្នក​ដឹកនាំ​សម័យ​ថ្មី​ក្នុង​សៀវភៅ​របស់​លោក​នា​​ឆ្នាំ ​១៩៧៨ ​​ចំណង​ជើង​ថា ​”ភាព​ជា​អ្នក​ដឹកនាំ” ​​ដោយ​ឲ្យ​អត្ថន័យ​ថា ​​ជា​ដំណើរការ​​ដែល​អ្នក​ដឹកនាំ​ និង​អ្នក​ដើរ​តាម​​​​​​​​​ក្រម​សីលធម៌​ និង​​​ការ​លើក​ទឹក​ចិត្ត​គ្នា​ទៅ​វិញ​ទៅ​មក​ឲ្យ​បាន​ប្រសើរ​​​ជាង​មុន។ ​​ភាព​ជា​អ្នក​ដឹកនាំ​ល្អ​​គួរ​មាន​ ៤ ​ចំណុច​ខាងក្រោម៖ ១៖ ​បង្កើត​ចក្ខុវិស័យ​ដ៏​​​មាន​ន័យ​​នៃ​អនាគត ក្នុង​វិស័យ​ជំនួញ​​ ​​ចក្ខុវិស័យ​គឺ​មាន​ភាព​​ពិត​ប្រាកដ​​​ ​អាច​ជឿ​ទុកចិត្ត​​ ​និង​អាច​កំណត់​កន្លែង​ដែល​អ្នក​ចង់​ទៅ​ដល់​នៅ​អនាគត។ ​​​ចក្ខុវិស័យ​ផ្តល់​ជា​ទិសដៅ ​​កំណត់​អាទិភាព ​​​​និង​ការ​វាស់​ស្ទង់ ​ដូច្នេះ​អ្នក​អាច​ដឹង​បាន​ថា ​​​អ្នក​បាន​សម្រេច​អ្វី​ដែល​អ្នក​ចង់​សម្រេច​ឬ​អត់។ ​ដើម្បី​បង្កើត​ចក្ខុវិស័យ​បាន​ ​អ្នក​ដឹកនាំ​ផ្តោត​សំខាន់​ទៅ​លើ​ភាព​ខ្លាំង​របស់​​ស្ថាប័ន​ខ្លួន​ដោយ​ប្រើប្រាស់​វិធី​នានា​ដើម្បី​វិភាគ​ទៅ​លើ​ស្ថានភាព​បច្ចុប្បន្ន។ ​​​អ្នក​ដឹកនាំ​​ត្រូវ​ប្រមើល​​ថា ​តើ​វិស័យ​ដែល​ខ្លួន​កំពុង​ដើរ​​នឹង​លេច​ចេញ​ជា​រូបរាង​បែប​ណា​នៅ​អនាគត​ ​​ហើយ​តើ​ដៃគូ​ប្រកួតប្រជែង​នឹង​ធ្វើ​អ្វី។ ​​​បន្ថែម​ពី​នេះ ​អ្នក​ដឹកនាំ​​ក៏​គិត​ដល់​ថា ​តើ​ពួកគេ​គួរ​ច្នៃ​បង្កើត​បែប​ណា​ទើប​អាច​ជោគជ័យ ​​​និង​អាច​សម្រួច​មុខ​ជំនួញ​ និង​យុទ្ធសាស្ត្រ​​​ឲ្យ​សមស្រប​នឹង​ទីផ្សារ​អនាគត។ ​​ពួកគេ​ច្រើន​ធ្វើតេស្ត​ចក្ខុវិស័យ​របស់​ខ្លួន​ឯង ​​តាម​រយៈ​​ការ​ស្រាវជ្រាវ​ទីផ្សារ​មួយ​ដ៏​សមស្រប ​និង​​វាយតម្លៃ​ហានិភ័យ​ចម្បង​ដោយ​ប្រើ​យុទ្ធសាស្ត្រ​ការ​វិភាគ​​ស៊ីណារីយ៉ូ​ជា​ដើម។​ ​ដូច្នេះ​ភាព​ជា​អ្នក​ដឹកនាំ​នៅ​ចំណុច​ដំបូង​នេះ​គឺ​ ​​ការ​រិះរក​ដំណោះស្រាយ ​​ការ​​ប្រមើល​មើល​មុនដោយ​​​​គិត​ថា ​អ្វី​ដែល​ខ្លួន​មាន​គឺ​​​មិន​ទាន់​ល្អ​គ្រប់គ្រាន់​នៅ​ឡើយ។ ​​តែ​ចក្ខុវិស័យ​ត្រូវ​បង្កើត​ឡើង​ដោយ​មាន​​តម្លៃ​ឲ្យ​អ្នក​ដើរ​តាម​យល់​ថា ​​​ត្រឹមត្រូវ ​និង​ពោរពេញ​ដោយ​ថាមពល​ចង់​អនុវត្ត​ដែរ។   ​​២៖ […]

អានបន្ថែម

បង្កើតអាជីវកម្មជាមួយមិត្តភក្តិល្អឬមិនល្អ?

តើអ្នកធ្លាប់គិតចង់ចាប់ផ្តើមមុខជំនួញណាមួយជាមួយមិត្តភក្ដិឬអត់? អ្នកប្រហែលជាធ្លាប់និយាយ ជាមួយមិត្តជិតដិតរបស់អ្នកពីគំនិតអាជីវកម្មណាមួយដែលអ្នកចង់បង្កើតជាមួយគ្នា។ តើអ្នកមានធ្លាប់គិតឬអត់ថា ការចាប់ផ្តើមអាជីវកម្មជាមួយមិត្តជិតដិតជាការលំបាក ព្រោះពេលចាប់ផ្តើមអ្នកនឹងឈានមួយជំហានពីការដើរលេង ផឹកស៊ីជាមួយគ្នា មកជាការស្រាវជ្រាវទីផ្សារ រៀបចំចាត់ចែងការងារ ថវិកា រហូតពេលខ្លះឈានដល់មើលបំណាំប្រៀបធៀបលទ្ធផលរវាងគ្នាកើតជាជម្លោះក៏មាន។ អញ្ចឹងសួរថា តើការបង្កើតមុខជំនួញជាមួយមិត្តភក្ដិមិនអាចទៅរួចទេមែនទេ? អាចទៅរួច តែត្រូវមានការប្រុងប្រយ័ត្នខ្ពស់បើមិនចង់ឲ្យសម្ពន្ធភាពយូរឆ្នាំត្រូវរលាយដូចអំបិលត្រូវទឹកទេនោះ។  The Phnom Penh Times នឹងលើកយកចំណុចល្អ ចំណុចមិនល្អ និងចំណុចអាក្រក់ខ្លាំងពីការចាប់ដៃគូធ្វើអាជីវកម្មជាមួយមិត្តភក្ដិមកបង្ហាញដូចខាងក្រោម។ ចំណុចល្អ និយាយឆាប់ចូលគ្នា៖ ជាមិត្តភក្ដិនឹងគ្នា ការប្រាស្រ័យទាក់ទងគ្នាក្នុងការងារអាចងាយយល់ព្រោះធ្លាប់យល់ចិត្តគ្នាស្រាប់។ យល់ពីចំណុចខ្លាំងនិងចំណុចខ្សោយគ្នាច្បាស់៖ ការយល់ពីចំណុចខ្លាំង និងចំណុចខ្សោយរបស់គ្នាច្បាស់គឺមានភាពងាយស្រួលក្នុងការបែងចែកតួនាទី និងទំនួលខុសត្រូវថា  នរណាគួរធ្វើអ្វី នរណាគួរចាត់ចែងអ្វី។ អ្នកអាចដាក់តួនាទីទៅតាមជំនាញដែលមិត្តភក្ដិរបស់អ្នកខ្លាំង និងតួនាទីដែលអ្នកជំនាញ។ ចំណុចមិនល្អ មានបណ្តាញតែមួយ៖ បណ្តាញមានសារៈសំខាន់សម្រាប់អាជីវកម្មដំបូង។ តែការធ្វើជំនួញជាមួយដៃគូ អ្នកអាចមិនមានបណ្តាញថ្មីបើមិនបែងចែកគ្នាឲ្យច្បាស់ថា នរណាគួរទៅកន្លែងណា  ជួបនរណាឲ្យច្បាស់លាស់ទេ។ ពិបាកទទួលបញ្ជាពីមិត្តភក្ដិ៖ ធម្មជាតិរបស់មនុស្សគឺចូលចិត្តស្តាប់ការបញ្ជាតែពីមេកើយប៉ុណ្ណោះ។ ពេលខ្លះបើទោះជាមិត្តភក្តិអ្នកមានតួនាទីធំជាងក្នុងក្រុមហ៊ុនក៏ដោយ វាពិបាកដែរក្នុងការស្តាប់ ហើយធ្វើតាមព្រោះធម្មតាមិត្តភក្តិច្រើនតែគិតថា ខ្លួនមានតួនាទីស្មើគ្នា។ អាចបែកបាក់សម្ពន្ធភាព៖ ពេលលុយចូលមកដល់ មិត្តភាព សម្ពន្ធភាពអាចនៅមួយឡែក។ មិត្តម្នាក់អាចចង់បានចំណែកច្រើនជាង ដោយគិតថា  ខ្លួនធ្វើច្រើនជាង ល្អជាង ដោយមិនគិតលទ្ធផលជាក្រុម។ លើកលែងតែមានការបែងចែកច្បាស់រវាងមិត្តភាព និងការងារនៅពេលវេលាខុសគ្នាគឺពេលធ្វើការ និងនៅខាងក្រៅ។ ដំបូន្មាន […]

អានបន្ថែម

7 ឃ្លាដែលមនុស្សឆ្លាត មិនយកមកប្រើក្នុងការសន្ទនា

សំដី​របស់​យើង​​អាច​នឹង​ត្រូវ​គេ​គិត​ឃើញ​ក្នុង​អត្ថន័យ​ផ្សេងៗ​គ្នា ការ​គិត​នេះ​ហើយ​អាច​បង្ក​ឲ្យ​មាន​អារម្មណ៍​ល្អ​ ឬ​មិន​ល្អ​មក​លើ​ម្ចាស់​សំដី។ ការ​និយាយ​ដែល​ធ្វើ​អោយ​មនុស្ស​ទទួល​យក​ដាក់​ក្នុង​អារម្មណ៍​ទាមទារ​ការ​យល់​ពី​សង្គម និង​សមត្ថភាព​​​នៃ​ការ​យល់​ពី​អារម្មណ៍​ និង​បទពោសោធន៍​របស់​អ្នក​​ដទៃ។ ទីភ្នាក់ងារ TalentSmart បាន​ធ្វើ​តេស្ត​កម្រិត​បញ្ញា​នៃ​​ការ​យល់​ពី​អារម្មណ៍​របស់​​មនុស្ស​ជាង​មួយ​លាន​នាក់ ហើយ​បាន​រក​ឃើញ​ថា ​ការ​យល់​ដឹង​ពី​សង្គម​គឺ​ជា​ជំនាញ​មួយ​ដែល​មនុស្ស​ភាគ​ច្រើន​​ខ្វះខាត។ យើង​ខ្វះខាត​ការ​យល់​ដឹង​ពី​សង្គម​ព្រោះ​យើង​ផ្ដោត​សំខាន់​ពេក​លើ​អ្វី​ដែល​យើង​នឹង​និយាយ ហើយ​ការ​និយាយ​របស់​អ្នក​ដទៃ​ប៉ះពាល់​អ្វី​ដល់​យើង ធ្វើ​អោយើង​បាត់​បង់​ការ​​ស្វែង​យល់​ពី​អ្នក​ដទៃ​ទាំង​ស្រុង។ សេចក្ដី​ល្អ​ប្រសើរ​​នៃ​ការ​យល់​ពី​សង្គម​កើត​ឡើង​​ដោយ​ការ​សម្របសម្រួលខ្លះៗ​លើ​អ្វី​ដែល​អ្នក​និយាយ​អាច​ធ្វើ​អោយ​ទំនាក់ទំនង​របស់​អ្នក​ជាមួយ​មនុស្ស​ដទៃ​បាន​ប្រសើរ​ឡើង។ ចំពោះ​ការ​ជជែក​គ្នា មនុស្ស​ដែល​មាន​ប្រាជ្ញា​ផ្នែក​អារម្មណ៍​ប្រយ័ត្នចំពោះ​ការ​ប្រើ​ឃ្លា​ខ្លះៗ។ 7 ​ឃ្លា​ខាង​ក្រោម​នេះ​មាន​ផល​អាក្រក់​បំផុត​ដែល​អ្នក​ត្រូវ​ជៀសវាង​ពេល​ជជែក​ជា​មួយ​អ្នក​ដទៃ៖   ១៖ អ្នក​មើល​ទៅ​ដូច​ជា​អស់​កម្លាំង​ណាស់ មនុស្ស​អស់​កម្លាំង​​ពិត​ជា​មាន​រូប​រាង​អាក្រក់​មើល​ ព្រោះ ​ភ្នែក​ស្លក់ សក់​សំពោង គ្មាន​ភាពនឹងន និង​គ្មាន​របៀប​រៀបរយ។ និយាយ​អោយ​នរណា​ម្នាក់​ថា អស់​កម្លាំង គេ​នឹង​គិត​ថា​រូប​រាង​របស់​គេ​ដូច​ដែល​បាន​រៀបរាប់​មក​នេះ។ បើ​អ្នក​មើល​ទៅ​គេ​ពិត​ជា​អស់​កម្លាំង​មែន​ អ្នក​អាច​និយាយ​ជំនួស​ដោយ​ឃ្លា​​ថា​ “គ្រប់​យ៉ាង​​មិន​អី​ទេ​មែន​ទេ?” សំនួរ​នេះ​ធ្វើ​អោយ​គេ​យល់​ថា យើង​បារម្ភ​ពី​គេ ជាជាង​គិត​ថា​យើង​មើល​ទៅ​​គេ​មាន​សភាព​យ៉ាប់យ៉ឺន​ដោយ​និយាយ​ថា អ្នក​ដូច​ជា​អស់​កម្លាំង​ណាស់។ ២៖ អូ! អ្នក​ស្រក់​គីឡូ​សម្បើម​ណាស់ ឃ្លា​នេះ​ក៏​​អាច​ធ្វើ​អោយ​គេ​គិត​មិន​ល្អ​ដែរ គេ​អាច​នឹង​គិត​ថា​​ពី​មុន​មក​អ្នក​មើល​ទៅ​គេ​ជា​មនុស្ស​​ធាត់​​ខ្លាំង និង​មិន​គួរ​អោយ​ទាក់​ទាញ។ ៣៖ អ្នក​ល្អ​ចំពោះ​គេ​ពេក នៅ​ពេល​នរ​ណា​ម្នាក់​ឈាន​ដល់​ការ​បែកបាក់​គ្នា អ្នក​ប្រើ​ពាក្យ​នេះ​ចំពោះ​គេ នោះ​មាន​ន័យ​ថា គេ​បាន​រើស​យក​ជម្រើស​ខុស​តាំង​ពី​ដើម​ទី​មក។ ក្នុង​ស្ថានភាព​បែប​នេះ​អ្នក​អាច​ជំនួស​ដោយ​ឃ្លា​ថា​ “គេ​ខុស​ហើយ​ដែល​បែក​ពី​អ្នក” ឃ្លា​នេះ​ក៏​បង្ហាញ​ពី​ការ​គាំទ្រ និង​លើក​​ទឹក​ចិត្ត​ដូច​គ្នា​ តែ​នឹង​ធ្វើ​អោយ​គេ​មាន​អារម្មណ៍​ល្អ។ […]

អានបន្ថែម

វិធី​រៀប​ផែនការ​ ៥ ​ឆ្នាំ និង​សម្រេច​ដោយ​​​​ខ្លួន​ឯង

មនុស្ស​គ្រប់​គ្នា​សុទ្ធ​តែ​ចង់​មាន​បាន ​ចង់​ជោគជ័យ​ដូច​ៗ​គ្នា។ ​ពេល​ឃើញ​អ្នក​ដទៃ​បាន​ខ្ពស់​ ឃើញ​គេ​ប្រើ​របស់​ល្អៗ ​អ្នក​ក៏​ចង់​មាន​របស់​ទាំង​នោះ​ដូច​គេ​ដែរ។ ​​តែ​អ្នក​មាន​ធ្លាប់​ស្រមៃ​ថា ​៥ ​ឆ្នាំ ឬ​ ​១០ ​ឆ្នាំ​ខាង​មុខ​ អ្នក​នឹង​ក្លាយ​ទៅ​អ្វី​ ​មាន​ប្រាក់​ប៉ុន្មាន​ទេ? ​តើ​អ្នក​ធ្លាប់​ស្រមៃ​ទេ​ថា ​៥ ​ឬ​ ​១០ ​ឆ្នាំ​ខាង​មុខ​អ្នក​ចង់​មាន​ប្រាក់​មួយ​លាន​ដុល្លារ ​ឬ​រថយន្ត​ទំនើប​ឬ​អត់? ​​​ជោគជ័យ​គឺ​កើត​ចេញ​ពី​ការ​ដាក់​គោលដៅ​​ខ្លួន​ឯង​ជាមួយ​រយៈពេល​ជាក់លាក់​​មួយ ​ហើយ​ធ្វើ​គ្រប់​យ៉ាង​ដើម្បី​សម្រេច​គោលដៅ​នោះ។ ​​ឥលូវ​យើង​រៀន​ដាក់​គោលដៅ​រយៈពេល​ ៥ ​ឆ្នាំ​ដើម្បី​​សម្រេច​​ដោយ​​ខ្លួន​ឯង ​ហើយ​ធ្វើ​យ៉ាង​ណា​ទើប​សម្រេច​គោលដៅ​នោះ​បាន។ ១ ​​​​មើល​គោលដៅ​ដែល​ខ្លួន​ចង់​ទៅ​រាល់​ថ្ងៃ អ្នក​ដែល​មាន​ក្ដី​ស្រមៃ​ធំ និង​អ្នក​ធ្វើ​ការ​ធំ​ដើម្បី​សម្រេច​ក្ដី​ស្រមៃ​គឺ​ខុស​គ្នា។ ​អ្នក​មាន​ក្ដី​ស្រមៃ​ធំ​ចេះ​តែ​ស្រមៃ​ តែ​អ្នក​ធ្វើការ​ធំ​ និង​ចង់​សម្រេច​ក្ដី​ស្រមៃ​នោះ​​គឺបាន​​ចេញ​ធ្វើ​សកម្មភាព​ដើម្បី​ឲ្យ​គោលដៅ​របស់​ខ្លួន​ជោគជ័យ។ ​ជា​ធម្មតា​ មនុស្ស​ជា​ច្រើន​មិន​បាន​គិត​​ថា ​ជោគជ័យ​ធំ​កើត​ចេញ​ពី​ការ​សម្រេច​គោលដៅ​តូចៗ​ជា​រៀងរាល់​ថ្ងៃ​ទេ ​ពួកគេ​ច្រើន​គិត​ថា ​ជោគជ័យ​ទាំង​នោះ​កើត​ចេញ​ភ្លាមៗ។ ​​​តែ​ដើម្បី​សម្រេច​គោលដៅ​អ្នក​បាន ​ត្រូវ​​បំបែក​វា​ជា​គោលដៅ​តូចៗ​ដែល​ត្រូវ​សម្រេច ​បន្ទាប់​មក​ដាក់​រយៈពេល​ជាក់លាក់​ដើម្បី​សម្រេច​វា។ ​មើល​គោលដៅ​ទាំង​នោះ​ជា​រៀងរាល់​ថ្ងៃ​ដើម្បី​ឲ្យ​ប្រាកដ​ថា ​អ្នក​មិន​ដើរ​ខុស ​​ឬ​ងាក​ទៅ​រក​គោលដៅ​ផ្សេង​ដែល​មិន​ពាក់ព័ន្ធ។ ​២​​ ​វាយ​តម្លៃ​គោលដៅ​របស់​ខ្លួន​ជា​ប្រចាំ ​ក្រោយ​កំណត់​គោលដៅ​ ​និង​បំបែក​វា​ជា​តូចៗ​ហើយ​ចំណុច​ បន្ទាប់​គឺ​ត្រូវ​​តាមដាន​វា។ ​​​ពេល​វាយតម្លៃ​​គោលដៅ​ទាំង​នោះ​ សួរ​ខ្លួន​ឯង​ថា ​តើ​វា​ត្រឹមត្រូវ​ឬ​អត់? ​តើ​វា​មាន​តម្លៃ​ឲ្យ​ចំណាយ​ពេល​ធ្វើ​ឬ​អត់? ​​​ក្រោយ​ពេល​សួរ​សំណួរ​ខ្លួន​ឯង ​ចម្លើយ​គឺ​​ទេ ​អ្នក​ត្រូវ​បញ្ឈប់​ធ្វើ​វា […]

អានបន្ថែម

៤ ​ចំណុច​ជួយ​​​ឲ្យ​អ្នក​សម្រេច​​​​លទ្ធផល​​ការងារ​កាន់​តែ​ប្រសើរ

ការ​ធ្វើ​យូរៗ​ទៅ​ពេល​ខ្លះ​អ្នក​ឈាន​ដល់​ចំណុច​ធុញថប់ ​អស់​គំនិត​ជា​ហេតុ​ធ្វើ​ឲ្យ​លទ្ធផល​ការងារ​ធ្លាក់​ចុះ។ ​​​​អ្នក​ស្រី​ Sandhya Venkatachalam ​សហ​ស្ថាបនិក​ Centerview Capital ​​​ថា ​ដើម្បី​ឲ្យ​លទ្ធផល​នៅ​កន្លែង​ធ្វើ​ការ​​ប្រសើរ​ ​អ្នក​ត្រូវ​ធ្វើ​ជីវិត​ឲ្យ​ប្រសើរ​សិន​​ព្រោះ​ចំណុច​នេះ​បំពេញ​គ្នា​ទៅ​វិញ​ទៅ​មក។   ​រក្សា​សុខភាព​រាងកាយ​ឲ្យ​បាន​ល្អ រក្សា​សុខភាព​ល្អ​ក៏​មាន​សារៈសំខាន់​ស្មើ​នឹង​ការ​គ្រប់គ្រង​ពេល​វេលា​ដែរ។ ​​ការ​សិក្សា​ជា​ច្រើន​រក​ឃើញ​ថា ​​គេង​មិន​គ្រប់គ្រាន់​ធ្វើ​​​ឲ្យ​លទ្ធផល​ការងារ​ធ្លាក់​ចុះ​ ​ខណៈ​ការ​ហាត់​ប្រាណ​ និង​សមាធិ​ជួយ​បង្កើន​ការ​ចងចាំ ​​និង​​ឲ្យ​អាយុ​វែង។ ​​សម្រាក​ ១៥ ​នាទី​រៀងរាល់​ ៩០ ​នាទី​ម្ដង​​ ហើយ​បើ​អាច​គួរ​ជៀសវាង​ញ៉ាំ​អាហារ​ថ្ងៃ​ត្រង់​ច្រើន​ជ្រុល ​និង​អាហារ​សម្រន់​មិន​ល្អ​ផ្សេង​ទៀត។ ​​​អង្គការ​សុខភាព​ពិភពលោក​រក​ឃើញ​ថា ​អាហារ​បំប៉ន​ដ៏​ត្រឹមត្រូវ​ជួយ​បង្កើន​លទ្ធផល​ការងារ​បាន​ ២០%។   ​​​​បង្កើត​បរិយាកាស​ដ៏​ល្អ​មួយ ​ទទួល​ការងារ​ច្រើន​ធ្វើ​ឲ្យ​អ្នក​ឈឺក្បាល ​ស្ត្រេស ​​​និង​ចង់​ឈប់​បើ​គ្រប់គ្រង​​មិន​បាន​ល្អ។ ​​​ត្រូវ​រៀបចំ​ពេលវេលា​ឲ្យ​បាន​ត្រឹមត្រូវ​ដោយ​បំបែក​ការងារ​ធំៗ​ទាំង​នោះ​ជា​តូចៗ​ហើយ​ធ្វើ​វា​តាម​វេលា​ដែល​​បាន​កំណត់​នោះ។​ បរិយាកាស​​កន្លែង​ការងារ​ក៏​ធ្វើ​ឲ្យ​ប្រសិទ្ធភាព​ការងារ​កើន​ឡើង​ដែរ​ ​​ដូច្នេះ​កន្លែង​ការងារ​ត្រូវ​ស្ងប់ស្ងាត់​ល្អ ​​មាន​ពន្លឺ​ និង​ខ្យល់​អាកាស​ចេញ​ចូល​គ្រប់គ្រាន់។   ​​កត់​ទុក ​រៀបចំ ​និង​ធ្វើ ការ​កត់​ទុក​អ្វី​ដែល​ចង់​ធ្វើ​​ងាយស្រួល​ឲ្យ​អ្នក​រៀប​ចំ​គម្រោង​នៅ​ពេល​បន្ទាប់។ ​សរសេរ​គ្រប់​រឿង​ដែល​អ្នក​ត្រូវ​ធ្វើ​ទាំង​ធំ​ទាំង​តូច។ ​រៀបចំ​ធ្វើ​រឿង​ទាំង​នោះ​ដោយ​ចាត់​ទុក​ការងារ​អាទិភាព​ធ្វើ​មុន។ ​​បើ​ពេល​អនុវត្ត​ការងារ​សំខាន់​​ខ្លះ​ត្រូវ​ប្រើ​​ពេល​លើស​គម្រោង​ ងាក​ចេញ​ពី​គម្រោង​ធ្វើ​ការងារ​នោះ​ឲ្យ​សម្រេច​ហើយ ​ត្រឡប់​មក​តាម​គម្រោង​ចាស់​វិញ។ ​ការ​ធ្វើ​បែប​នេះ​ជួយ​ឲ្យ​អ្នក​យល់​ថា ​ការងារ​ធំ​មក​ជា​តូច ​ហើយ​ជៀសវាង​ការ​ភ្លេចភ្លាំង​បាន។ ​​ជួយ​ និង​សុំ​រក​ជំនួយ​ពី​អ្នក​ដទៃ ​មនុស្ស​គ្រប់​គ្នា​គឺ​ខ្វាយខ្វល់​ពី​លទ្ធផល​ការងារ​របស់​បុគ្គល​ច្រើន​ជាង។ […]

អានបន្ថែម