ដើម្បីជោគជ័យអ្នកដឹកនាំត្រូវការ ៤ ចំណុចនេះជាចាំបាច់

“ភាព​ជា​អ្នក​ដឹកនាំ” ​ត្រូវ​បាន​គេ​ដាក់​និយមន័យ​ផ្សេងៗ​គ្នា ​ទៅ​តាម​បុព្វបទ​ខុសៗ​គ្នា។ ​​អ្នក​ខ្លះ​សំដៅ​ទៅ​លើ​ប្រមុខ​រដ្ឋ ​​អ្នក​នយោបាយ ​ប្រធាន​ក្រុមហ៊ុន​ ។ល។ ​​អ្នក​ជំនាញ​​លើ​ភាព​ជា​អ្នក​ដឹកនាំ​លោក​ James McGregor Burns ​​បាន​ណែនាំ​​ផ្នត់គំនិត​​ស្តី​ពី​ភាព​ជា​អ្នក​ដឹកនាំ​សម័យ​ថ្មី​ក្នុង​សៀវភៅ​របស់​លោក​នា​​ឆ្នាំ ​១៩៧៨ ​​ចំណង​ជើង​ថា ​”ភាព​ជា​អ្នក​ដឹកនាំ” ​​ដោយ​ឲ្យ​អត្ថន័យ​ថា ​​ជា​ដំណើរការ​​ដែល​អ្នក​ដឹកនាំ​ និង​អ្នក​ដើរ​តាម​​​​​​​​​ក្រម​សីលធម៌​ និង​​​ការ​លើក​ទឹក​ចិត្ត​គ្នា​ទៅ​វិញ​ទៅ​មក​ឲ្យ​បាន​ប្រសើរ​​​ជាង​មុន។ ​​ភាព​ជា​អ្នក​ដឹកនាំ​ល្អ​​គួរ​មាន​ ៤ ​ចំណុច​ខាងក្រោម៖ ១៖ ​បង្កើត​ចក្ខុវិស័យ​ដ៏​​​មាន​ន័យ​​នៃ​អនាគត ក្នុង​វិស័យ​ជំនួញ​​ ​​ចក្ខុវិស័យ​គឺ​មាន​ភាព​​ពិត​ប្រាកដ​​​ ​អាច​ជឿ​ទុកចិត្ត​​ ​និង​អាច​កំណត់​កន្លែង​ដែល​អ្នក​ចង់​ទៅ​ដល់​នៅ​អនាគត។ ​​​ចក្ខុវិស័យ​ផ្តល់​ជា​ទិសដៅ ​​កំណត់​អាទិភាព ​​​​និង​ការ​វាស់​ស្ទង់ ​ដូច្នេះ​អ្នក​អាច​ដឹង​បាន​ថា ​​​អ្នក​បាន​សម្រេច​អ្វី​ដែល​អ្នក​ចង់​សម្រេច​ឬ​អត់។ ​ដើម្បី​បង្កើត​ចក្ខុវិស័យ​បាន​ ​អ្នក​ដឹកនាំ​ផ្តោត​សំខាន់​ទៅ​លើ​ភាព​ខ្លាំង​របស់​​ស្ថាប័ន​ខ្លួន​ដោយ​ប្រើប្រាស់​វិធី​នានា​ដើម្បី​វិភាគ​ទៅ​លើ​ស្ថានភាព​បច្ចុប្បន្ន។ ​​​អ្នក​ដឹកនាំ​​ត្រូវ​ប្រមើល​​ថា ​តើ​វិស័យ​ដែល​ខ្លួន​កំពុង​ដើរ​​នឹង​លេច​ចេញ​ជា​រូបរាង​បែប​ណា​នៅ​អនាគត​ ​​ហើយ​តើ​ដៃគូ​ប្រកួតប្រជែង​នឹង​ធ្វើ​អ្វី។ ​​​បន្ថែម​ពី​នេះ ​អ្នក​ដឹកនាំ​​ក៏​គិត​ដល់​ថា ​តើ​ពួកគេ​គួរ​ច្នៃ​បង្កើត​បែប​ណា​ទើប​អាច​ជោគជ័យ ​​​និង​អាច​សម្រួច​មុខ​ជំនួញ​ និង​យុទ្ធសាស្ត្រ​​​ឲ្យ​សមស្រប​នឹង​ទីផ្សារ​អនាគត។ ​​ពួកគេ​ច្រើន​ធ្វើតេស្ត​ចក្ខុវិស័យ​របស់​ខ្លួន​ឯង ​​តាម​រយៈ​​ការ​ស្រាវជ្រាវ​ទីផ្សារ​មួយ​ដ៏​សមស្រប ​និង​​វាយតម្លៃ​ហានិភ័យ​ចម្បង​ដោយ​ប្រើ​យុទ្ធសាស្ត្រ​ការ​វិភាគ​​ស៊ីណារីយ៉ូ​ជា​ដើម។​ ​ដូច្នេះ​ភាព​ជា​អ្នក​ដឹកនាំ​នៅ​ចំណុច​ដំបូង​នេះ​គឺ​ ​​ការ​រិះរក​ដំណោះស្រាយ ​​ការ​​ប្រមើល​មើល​មុនដោយ​​​​គិត​ថា ​អ្វី​ដែល​ខ្លួន​មាន​គឺ​​​មិន​ទាន់​ល្អ​គ្រប់គ្រាន់​នៅ​ឡើយ។ ​​តែ​ចក្ខុវិស័យ​ត្រូវ​បង្កើត​ឡើង​ដោយ​មាន​​តម្លៃ​ឲ្យ​អ្នក​ដើរ​តាម​យល់​ថា ​​​ត្រឹមត្រូវ ​និង​ពោរពេញ​ដោយ​ថាមពល​ចង់​អនុវត្ត​ដែរ។   ​​២៖ […]

អានបន្ថែម

កំពូលទ្រឹស្ដីទាំង ៥ ក្នុងរឿង “សាមកុក” ដែលមានតម្លៃប្រើការបានដល់ពេលបច្ចុប្បន្ន!

  “សាមកុក” ឬ “នគរបី” ជារឿងបែបប្រវត្តិសាស្ដ្រចិនដ៏ល្បីល្បាញបង្កប់ដោយយុទ្ធសាស្ដ្រ ល្បិចកល និងទ្រឹស្ដីជាច្រើនហូរហែ នាំឱ្យបែកគំនិតប្រាជ្ញាអ្នកទស្សនា។ ថ្ងៃនេះ យើង សូមបន្តលើកឡើងនូវទ្រឹស្ដីចំនួន ៥ ទៀតដែលមានតម្លៃ អត្ថន័យអាចយកមកប្រើប្រាស់បានក្នុងជីវិតប្រចាំថ្ងៃរបស់ប្រិយមិត្ត៖ ១ “មិត្តភក្ដិគ្មានអ្វីគួរឱ្យខ្លាច សត្រូវក៏គ្មានអ្វីគួរឱ្យខ្លាចដែរ តែមនុស្សដែលជាមិត្តផង ជាសត្រូវផងទើបគួរឱ្យខ្លាចបំផុត!” មិនខុសទេ រាល់ថ្ងៃសម្បូរណាស់មនុស្សប្រភេទវ៉ៃអែបស៊ីអប និងចាំប៉ែងជើងផ្ដួលពេលដែលយើងភ្លេចខ្លួនឬលែងមានប្រយោជន៍សម្រាប់គេទៀត។ មនុស្សប្រភេទនេះជាមនុស្សបែបមិត្តផងសត្រូវផង ដែលគេអាចចូលកៀកយើងនិងបង្កគ្រោះថ្នាក់ដល់យើងសាហាវជាងសត្រូវពិតរបស់យើងទៀត ព្រោះសត្រូវពិតយើងអាចដឹងខ្លួនមុន និងតែងប្រុងប្រយ័ត្នចំពោះគេមិនងាយឱ្យមកក្បែរបានឡើយ។ ហេតុនេះត្រូវដឹងឱ្យច្បាស់នរណាជាមិត្តពិត នរណាជាសត្រូវពិត និងនរណាជាមិត្តក្លែងក្លាយ! ២ “បើអ្នកគួរទៅ ទៅបាត់ ទើបអ្នកគួរមក អាចមកបាន!” បើសិននរណាម្នាក់ចាកចេញពីជីវិតអ្នក មិនចាំបាច់យំសោកបោកខ្លួនសោកស្ដាយគេទេ ព្រោះការដែលគេចេញទៅវាជាការផ្ដល់ឱកាសឱ្យមនុស្សដែលគួរចូលមកអាចចូលមកបាន។ ចូរបើកផ្លូវឱ្យអ្នកដែលមិនសាកសមនឹងនៅជាមួយអ្នកចេញទៅ និងទទួលអ្នកដែលសាកសមជាងនោះ។ ៣ “បើមិនអាចរកចៅហ្វាយល្អឱ្យខ្លួនបាន បង្កើតចៅហ្វាយល្អមួយឱ្យខ្លួនឯងទៅ!” បើធ្វើការឱ្យគេចាំបាច់ណាស់ត្រូវមានចៅហ្វាយល្អដើម្បីទទួលបានលក្ខខណ្ឌការងារសមរម្យ និងការអភិវឌ្ឍខ្លួនកាន់តែខ្លាំង។ បើពុំមានចៅហ្វាយបែបនេះទេ ធ្វើការឯករាជ្យជាចៅហ្វាយខ្លួនឯងវាប្រសើរជាង។ ៤ “បើមានអ្នកសម្ដែងល្ខោន គឺត្រូវតែមានអ្នកមើលល្ខោន!” សព្វថ្ងៃមិនខ្វះទេ ការសម្ដែងបំភ័នភ្នែកធ្វើល្អនៅនឹងមុខតែក្រោយខ្នងយ៉ាងម៉េចខ្លះយើងមិនដឹង។ តែពេលខ្លះបើទោះបីយើងដឹងថាគេសម្ដែង ក៏យើងអាចក្លែងធ្វើជាអ្នកទស្សនាបានដែរ ដោយបណ្ដោយឱ្យគេសម្ដែងតាមចិត្តចុះ កុំតែបណ្ដោយខ្លួនឱ្យចូលអន្ទាក់គេបានហើយ។ […]

អានបន្ថែម

មហាសេដ្ឋី​វ័យ​២៧​​ឆ្នាំ ​Evan Spiegel ​ប្រាប់​ពី​​គន្លឹះ​​​៤​​​​​យ៉ាង​ ដើម្បី​ជោគជ័យ​ធំធេង​​​ក្នុង​ជីវិត

លោក​Evan Spiegel ​​ជា​នាយក​ប្រតិបត្តិ​របស់​ក្រុមហ៊ុន​  Snap ​​​​​​បច្ចុប្បន្ន​មាន​វ័យ​ត្រឹម​២៧​ឆ្នាំ​ប៉ុណ្ណោះ ប៉ុន្តែ​មាន​ទ្រព្យ​សម្បត្តិ​រហូត​ដល់​ជាង​៣​ពាន់​លាន​ដុល្លារ​អាមេរិក​។ ​​​​​​​​​​មហាសេដ្ឋី​វ័យ​ក្មេង​រូប​នេះ ​បាន​ប្រាប់​ពី​គន្លឹះ​​​៤​យ៉ាង​ ដែល​អាច​ជួយ​​ឲ្យ​អ្នក​ជោគជ័យ​ក្នុង​ជីវិត​បាន​​៖ ​​​១) ​​ត្រូវ​ប្រាកដ​ថា ​អ្នក​មាន​ជំនាញ​ច្បាស់​លាស់​ ​ហើយ​​អ្នកដទៃ​ដឹង​តែ​​អ្នក​មាន​ពិត​​​៖ ​ចង់​ជោគជ័យ​ក្នុង​ជីវិត​ ​អ្នក​​ត្រូវ​​តែ​មាន​ជំនាញ​ ឬ ​ពូកែ​ខាង​ផ្នែក​អ្វី​មួយ​យ៉ាង​ស្ទាត់​ជំនាញ​ ដើម្បី​ប្រាកដ​ថា អ្នក​​អាច​ប្រើ​វា​ដើម្បី​ជា​ស្ពាន​ជីវិត​របស់​អ្នក​។ ប៉ុន្តែ ​​គ្រាន់តែ​ពូកែ​​នៅ​មិន​ទាន់​គ្រប់គ្រាន់​នោះ​ឡើយ​​ ​ព្រោះ​​មនុស្ស​ជាច្រើន​ក៏​ពូកែ​តែ​ពួកគេ​នៅ​តែ​បរាជ័យ​ក្នុង​ជីវិត​​។ បរាជ័យ​ព្រោះ​ថា ​​អ្នក​ទាំង​នោះ​មិន​ដែល​បើក​បង្ហាញ​ពី​ជំនាញ​របស់​ខ្លួន​ទៅ កាន់​​អ្នកដទៃ​ ដូច្នេះ​ហើយ​ តើ​នរណា​អាច​ដឹង​ និង ជឿជាក់​​​​បាន​​​។​ ដូច្នេះ​ហើយ​ ត្រូវ​ស្វែងរក​​​ឱកាស​​ដើម្បី​ បង្ហាញ​ជំនាញ​ដែល​ខ្លួន​មាន​​នោះ ​​ទៅ​កាន់​អ្នកដទៃ​ និង មនុស្ស​​ជុំវិញ​ខ្លួន​។ ​ ២) ​ត្រូវ​ប្រាកដ​​ណា​ អ្នក​មិន​ពឹង​លើ​អ្នកដទៃ​ ដើម្បី​ភាព​ជោគជ័យ​របស់​​ខ្លួន​៖ ​ត្រូវ​​ចាំ​ថា ភាព​ជោគជ័យ​ពិត​ប្រាកដ​ តែង​កើត​ឡើង​ពី​កណ្ដាប់​ដៃ​របស់​អ្នក​ មិន​មែន​កណ្ដាប់​ដៃ​របស់​អ្នកដទៃ​នោះ​​ឡើយ​។ ​​ដូច្នេះ​ហើយ​ ត្រូវ​ធ្វើ​យ៉ាង​ណា​ពឹង​លើ​ខ្លួន​ឯង​​ ​ហើយ​ត្រូវ​ព្យាយាម​​​ឲ្យ​អស់​ពី​លទ្ធភាព​​ ដើម្បី​ដើរ​ឆ្ពោះ​ទៅ​​កាន់​វិថី​ជោគជ័យ​ ដែល​ខ្លួន​បាន​​កំណត់​។ ​​ ៣) ​​​ជម្នះ​ការ​លំបាក​៖ ​​ត្រូវ​ចងចាំ​ថា ​រាល់​ភាព​ជោគជ័យ​ដ៏​អស្ចារ្យ​មិន​អាច​កើត​ឡើង​បាន​ទេ​ ប្រសិន​បើ​អ្នក​​មិន​ព្រម​ធ្វើការ​ខ្លាំង​​ […]

អានបន្ថែម

ហេតុអ្វីបានជាបុគ្គលជោគជ័យភាគច្រើនជាសិស្សដែលរៀនចប់និទ្ទេស “C”?

មានការគិតមួយជាទូទៅ ដែលយើងតែងតែគិតថា សិស្សដែលរៀនពូកែ បានទទួលពិន្ទុល្អក្នុងការសិក្សារបស់ខ្លួន នឹងទទួលបានឱកាស ក្នុងការអភិវឌ្ឍន៍ ដើម្បីជោគជ័យក្នុងជីវិតរបស់ខ្លួន ច្រើនជាង សិស្សមធ្យម ឬខ្សោយ។ តែធាតុពិត មិនមែនអ៊ីចឹងនោះទេ។ នៅក្នុងអត្ថបទនេះ ចែកចាយសូមលើក យកចំនុចមួយចំនួន ដែលឆ្លុះបង្ហាញ ថាសិស្សដែលជាប់ពិន្ទុមធ្យមក្នុងការសិក្សាវិញទេ ដែលបានទទួលជោគជ័យជាងគេ។ យ៉ាងណាក៏ដោយ ក្នុងការដាក់ពាក្យរកការងារធ្វើ ដើម្បីទទួលតំណែង នៅក្រុមហ៊ុនណាមួយ ទាមទារឲ្យមានសញ្ញាបត្រ ទៅតាមតម្រូវការរបស់ក្រុមហ៊ុន។ ភាគច្រើន ក្រុមហ៊ុននិមួយៗ មិនសូវជាខ្វល់ខ្វាយអំពីកម្រិតនៃពិន្ទុនៅក្នុងសញ្ញាបត្រនោះឡើយ។ និយាយដូច្នេះ មិនមែនមានន័យថា អ្នកមិនបាច់ខិតខំប្រឹងប្រែងរៀនសូត្រ ក៏អាចទទួលបានជោគជ័យបែបនេះ បានឡើយ។ វាគ្រាន់តែជាគំនិតទស្សនៈ និងឧទាហរណ៍ជាក់ស្តែងមួយចំនួន ថា ហេតុអ្វីបានជាសិស្សដែលជាប់និទ្ទេស “C” ក្លាយជាបុគ្គលជោគជ័យដ៏អស្ចារ្យបែបនេះ? ដើម្បីជ្រាប ចែកចាយសូមលើកយកហេតុផលចំនួន ៧ ដើម្បីចែកជូនប្រិយមិត្តអ្នកបានដឹង។ ១. ពួកគេជាបុគ្គលដែលដឹងច្បាស់ជាងអ្នកដ៏ទៃ នូវអ្វីដែលពួកគេចង់បាន សិស្សប្រភេទនេះ មិនដែលចំណាយពេលច្រើន ចូលរៀនមុខវិជ្ជាណាដែលខ្លួនមិនពេញចិត្ត ដែលយើងទាំងអស់គ្នា មិនហ៊ានខកខានឡើយ។ ពួកគេផ្តោតតែលើមុខវិជ្ជាណា ដែលពួកគេស្រឡាញ់ ចូលចិត្ត និងពាក់ព័ន្ធទៅនឹងចំណេះជំនាញ វិជ្ជាជីវៈ ដែលសម្រួលដល់ការងាររបស់ពួកគេប៉ុណ្ណោះ។ ជាក់ស្តែង […]

អានបន្ថែម

ក្បួនចាយលុយរបស់មហាសេដ្ឋីពាន់លានដុល្លារ Li Ka-Shing

មហាសេដ្ឋីមានបំផុតនៅហុងកុង Li Ka-Shing ជាបុគ្គលមួយរូបដែលមានប្រវត្តិមកពីគ្រួសារក្រីក្រ និងកំព្រាឪពុកតាំងពីកុមារភាព ប៉ុន្តែអាចតស៊ូជម្នះភាពលំបាករហូតក្លាយជាបុគ្គលជោគជ័យយ៉ាងខ្លាំងមួយរូបទាំងនៅអាស៊ី និងនៅជុំវិញពិភពលោក។ លោក លី បានចែករំលែកនូវតិចនិកបែងចែក និងរបៀបប្រើប្រាស់ហិរញ្ញវត្ថុយ៉ាងមានប្រសិទ្ធភាពដើម្បីអាចក្លាយជាអ្នកមាន។ ជាឧទាហរណ៍លោកបានឧបមាថា បើអ្នកមានប្រាក់ខែឬចំណូល ៣០០ ដុល្លារក្នុង ១ ខែ អ្នកត្រូវបែងចែកជា៥ចំណែកដូចខាងក្រោម៖ ចំណែកទី ១៖  ៣០% (៩០ ដុល្លារ) សម្រាប់ចំណាយហូបចុកប្រចាំថ្ងៃ អ្នកត្រូវចំណាយជាមធ្យម ៣ដុល្លារក្នុងមួយថ្ងៃ ដោយអ្នកអាចញាំពងទាមួយគ្រាប់និងទឹកដោះគោមួយកែវសម្រាប់អាហារពេលព្រឹក ឬអាហារពេលព្រឹកណាដែលមិនសូវចំណាយច្រើននិងមានអត្ថប្រយោជន៍ចំពោះសុខភាព។ ជាងនេះទៅទៀត ចំពោះអាហារថ្ងៃត្រង់អ្នកអាចញាំអាហារដែលចម្អិនស្រាប់ និងផ្លែចេកមួយឬពីរផ្លែដើម្បីបង្កើនថាមពល។ សម្រាប់ពេលល្ងាចអ្នកអាចចម្អិនអាហារនៅផ្ទះដោយខ្លួនឯង ជាមួយនឹងទឹកដោះគោមួយកែវមុនពេលចូលគេង។ ចំណែកទី ២៖  ២០% (៦០ ដុល្លារ) សម្រាប់ចំណាយលើទំនាក់ទំនងសង្គម លោក លី កាស៊ីង យល់ថាទំនាក់ទំនងមានសារៈសំខាន់យ៉ាងខ្លាំងសម្រាប់ការរស់នៅក្នុងសង្គម ជាពិសេសសម្រាប់អ្នកជំនួញ។ អ្នកគួរទុកប្រាក់មួយចំណែកសម្រាប់ប៉ាវអ្នកដទៃយ៉ាងតិចក៏បានមួយឬពីរដងដែរក្នុងមួយខែ ប៉ុន្តែក្នុងការចំណាយប៉ាវអ្នកដទៃអ្នកគួរជ្រើសរើសមនុស្សដែលមានចំណេះដឹង មានទ្រព្យជាងខ្លួន ឬមនុស្សដែលអាចជួយអ្នកក្នុងការរកស៊ីឬការងារបាន។ ចំណែកទី ៣៖ ១៥% (៤៥ ដុល្លារ) សម្រាប់ចំណាយលើការបង្កើនចំណេះដឹង ការបង្កើនចំណេះដឹងគឺមានសារៈសំខាន់ណាស់សម្រាប់អ្នកជំនួញ […]

អានបន្ថែម

គោលដៅទាំង ៤ យ៉ាង​ដែលអាច​ធ្វើ​ឲ្យហាង​បញ្ចាំ​តបស់អ្នក​ទទួល​បាន​ជោគជ័យ​បំផុត

ដាក់​បញ្ចាំ​របស់​​គឺ​ជា​រឿង​មួយ​គួរ​អោយ​ខ្មាស​អៀន។ ទិញ​របស់​បញ្ចាំ​គឺ​ជា​រឿង​ខុស។ នោះ​ហើយ​ជា​ហេតុ​ផល​ដែល​លោក David Margendorff បាន​បើក​ហាង​ PawnHero នៅ​ហ្វីលីពីន ជា​ប្រទេស​ដែល​លោក​និយាយ​ថា មាន​ប្រជាជន​ត្រឹម​២០%​ប៉ុណ្ណោះ​មាន​គណនី​ធនាគារ ហើយ​មាន​ត្រឹម​៥%​ប៉ុណ្ណោះ​ដែល​មាន​កាត​ក្រេឌីត ដែល​ទាំង​នេះ​ធ្វើ​អោយ​ហាង​បញ្ចាំ​គឺ​ជា​ប្រភព​នៃ​សាច់​ប្រាក់​សម្រាប់​ជនក្រីក្រ​មិន​អាច​ជៀស​បាន​នៅ​ហ្វីលីពីន។ នៅ​ខែ​មករា​​ឆ្នាំ​២០១៥​ហាង​បញ្ចាំ​មួយ​នេះ​ត្រូវ​​​បាន​បើក​ដំណើរការ​ជាមួយ​នឹង​​បុគ្គលិក​៥​នាក់ បច្ចុប្បន្ន​ PawnHero មាន​បុគ្គលិក​ជិត​៥០​នាក់​ ការិយាល័យ​៣​នៅ​ក្នុង​ប្រទេស​២។ “យើង​រំពឹង​ថា នឹង​ពង្រីក​ខ្លួន​រហូត​ដល់​មាន​បុគ្គលិក​ជាង​១០០​នាក់​នៅ​ចុង​ឆ្នាំ​នេះ នៅ​ក្នុង​ប្រទេស​ចំនួន​៣​ក្នុង​តំបន់​អាស៊ីអាគ្នេយ៍”។ លោក Margendorff និយាយ​រាប់​បញ្ចូល​ទាំង​ប្រទេស​វៀតណាម។ ខាង​ក្រោម​នេះ​គឺ​ជា​ចំណុច​ទាំង​៤​ដែល​ PawnHero បាន​ផ្ទុះ​ឡើង​នៅ​ក្នុង​ឧស្សាហកម្ម​ដែល​គេ​ត្រូវ​ការ​ជា​ចាំ​បាច់៖ ១៖ ហាង​មាន​តម្លា​ភាព​ជាង​ហាង​បញ្ចាំ​បុរាណ លោក Margendorff និយាយ​ថា លោក​បាន​សាកល្បង​នៅ​តាម​ហាង​បញ្ចាំ​ក្នុង​ស្រុក​ជា​ច្រើន ហើយ​មាន​បញ្ហាធំ​មួយ​ជា​មួយ​នឹង​តម្លា​ភាព។ “វា​ពិបាក​យល់​ពី​អត្រា​ការ​ប្រាក់ ហើយ​របៀប​ដែល​គេ​ធ្វើ​ការ មាន​តម្លៃ​ដែល​បង្កប់​ជា​ច្រើន ហើយ​តម្លៃ​របស់​ដែល​យើង​យក​ទៅ​ដាក់​ខុស​គ្នា​ពី​ហាង​មួយ​ទៅ​ហាង​មួយ។ ខ្ញុំ​ដឹង​ពី​រឿង​នោះ ជាមួយ​នឹង​គំនិត​ដូច​ជា PawnHero ខ្ញុំ​អាច​ផ្ដល់​ជូន​នូវ​​វិធី​ដែល​មាន​​តម្លា​ភាព​ អាច​ជឿទុក​ចិត្ត​បាន​សម្រាប់​ប្រជាជន​ហ្វីលីពីន​ដែល​ត្រូវ​ការ​លុយ។ ដោយ​ការ​ដំណើរការ​តាម​ប្រព័ន្ធ​អ៊ីនធឺណិត ខ្ញុំ​ក៏​រក​ឃើញ​ថា​វា​ជា​បទពិសោធន៍​ដែល​ងាយ​ស្រួល និង​មិន​ឈូឆរ”។ ២៖ ហាង​​មិន​ចំណាយ​លើ​ថ្លៃ​​ជួល​ហាង ហើយ​​ជួយ​សន្សំសំចៃ​ដល់​អតិថិជន មិន​ដូច​ជា​ហាង​បញ្ចាំ​បុរាណ​ដែល​គេ​ឃើញ​នៅ​ក្នុង​ប្រទេស​ហ្វីលីពីន PawnHero ខុស​គេ​ត្រង់​​គ្មាន​ហាង​លើក​ស្លាក​យីហោ។ “យើង​មិន​ចំណាយ​លើ​ការ​​រក្សា​ស្លាកយីហោ​ទេ ដែល​ធ្វើ​អោយ​កាត់​បន្ថយ​កា​រ​ចំណាយ​យ៉ាង​ច្រើន។ យើង​ជួល​បុគ្គលិក​តិច​ហើយ​ធ្វើ​ការ​ដោយ​មានប្រសិទ្ធិភាព”។ លោក […]

អានបន្ថែម

ដំណាក់​កាល ទាំង ៧ យ៉ាង​នៃ​ការបង្កើត​អាជីវកម្ម​ដែល​អ្នក​គួរ​ដឹង​ដើម្បី​ជីវិត​រកស៊ី

មាន​ដំណាក់កាល​សំខាន់​ចំនួន​៧​នៃ​ការ​បង្កើត​អាជីវកម្ម ដំណាក់កាល​នីមួយៗ​មាន​កត្តាប្រឈម​ និង​ឱកាស​របស់​វា។ ការ​បង្កើត​អាជីវកម្ម​​មួយ​មិន​កើត​ឡើង​ក្នុង​រយៈ​ពេល​មួយ​យប់​ទេ។ អ្នក​មិន​មែន​បង្កើត​អាជីវកម្ម​ហើយ​រង់​ចាំ​មើល​វា​រីកចម្រើន​នោះ​ឡើយ​ អ្នក​ចាប់​ផ្ដើម​ជាមួយ​នឹង​គំនិត​ដែល​អាច​ធ្វើ​បាន​ដ៏​ទទេ​ស្អាត​មួយ ហើយ​អ្នក​​មើល​ថែ​វា ដឹកនាំ​វា​តាម​ច្រើន​ដំណាក់កាល​នៃ​ការ​ផ្លាស់​ប្ដូរ​រហូត​ដល់​វា​ធ្វើ​អោយ​អ្នក​ចំណាំ​ស្ទើរ​មិន​បាន។ ខាង​ក្រោម​នេះ​ជា​ដំណាក់កាល​សំខាន់​ទាំង​៧​ដែល​នឹង​​ជួយ​អ្នក​រៀបគំរោង​សម្រាប់​ការ​រីក​ចម្រើន​​ពាណិជ្ជកម្ម​របស់​អ្នក​ និង​ផ្ដល់​គន្លឹះ​សម្រាប់​អ្នក​ដើម្បី​បង្កើត​ក្រុមហ៊ុន​៖ ១៖ គំនិត ពេល​អ្នក​​មាន​គំនិត​ពាណិជ្ជកម្ម​​ច្បាស់​លាស់​ហើយ រឿង​​បន្ទាប់​នៅ​ក្នុង​ដំណាក់កាល​នេះ​គឺ​ច្របាច់​គំនិត​នោះ​បញ្ចូល​គ្នា។ នោះ​មាន​ន័យ​ថា​ អ្នក​ត្រូវ​បង្កើត​​គំរោង​អាជីវកម្ម។ អ្នក​ត្រូវ​ធ្វើ​ការ​លើ​រឿង​គ្រប់​យ៉ាង​ពេល​ដែល​អ្នក​ផ្ដួចផ្ដើម​គំនិត​មួយ​ហើយ គិត​ពី​ការ​ប្រកួត​ប្រជែង​ដែល​អ្នក​នឹង​ត្រូវ​ចូល​រួម គិត​ពី​​គំរោង​ថវិកា​ដែល​អ្នក​នឹង​ត្រូវការ​ដើម្បី​ផ្គត់ផ្គង់។ ២៖ បើក​ដំណើរការ ដំណាក់កាល​នេះ​​កត់​ត្រា​​ការ​ចាប់​ផ្ដើម​ជា​ផ្លូវការ​នៃ​ពាណិជ្ជកម្ម​របស់​អ្នក ទោះ​បី​ជា​អ្នក​នៅ​តែ​អាច​គិត​ថា​ខ្លួន​អ្នក​ជា​សហគ្រិន​ក្នុងដំណាក់កាល​ទី​មួយ​ក៏​ដោយ។ នៅ​ដំណាក់​កាល​នេះ​អ្នក​នឹង​មាន​ធនធាន​ទាំង​អស់​ដែល​អ្នក​ត្រូវ​ការ​ដើម្បី​ចាប់​ផ្ដើម​ប្រតិបត្តិការ​របស់​អ្នក។ អ្នក​នឹង​រក​ការិយាល័យ​មួយ​ប្រសិន​បើ​អ្នក​ត្រូវ​ការ ទិញ​សម្ភារៈ និង​ចាប់​ផ្ដើម​ស្វែង​រក​អតិថិជន​ដំបូង​របស់​អ្នក។ ៣៖ ព្យាយាម​រស់ ដំណាក់កាល​នេះ​ប្រហែល​ជា​​ដំណាក់​កាល​រេល​រា​បំផុត ព្រោះ​វា​អាច​បង្កើត ឬ​បំបែក​គំរោង​អាជីវកម្ម​របស់​អ្នក។ អ្នក​នឹង​ចាប់​ផ្ដើម​អស់​ទុន​ដំបូង​របស់​អ្នក ប៉ុន្តែ​វា​នៅ​មិន​ទាន់​ដល់​ពេល​រក​ប្រាក់​ចំណូល​បាន​នៅ​ឡើយ។ អ្នក​ទំនង​ជា​ចាប់​ផ្ដើម​ផ្លាស់​ប្ដូរ​ការងារ​នៅ​ក្នុង​ពាណិជ្ជកម្ម​របស់​អ្នក ដូច្នេះ​រចនា​សម្ព័ន្ធ​របស់​អ្នក​មិន​ទៀងទាត់ ហើយ​អ្នក​នឹង​ដង្ហើយ​រក​ចាប់​អតិថិជន​អោយ​បាន​គ្រប់​គ្រាន់​ដើម្បី​ស្រោចស្រង់​ដំណើរការ​របស់​អ្នក។ ដំណាក់​កាល​ខំ​រស់​មិន​មែន​ជា​ដំណាក់​កាល​ងាយ​ស្រួល​ទេ អ្នក​និង​ក្រុម​របស់​អ្នក​ត្រូវ​តែ​ចេះ​បត់បែន។ ៤៖ ពង្រឹង​ស្ថិរភាព ទោះ​បី​ជា​ដំណើរការ​នេះ​យឺត និង​ទៅ​មុខ​សន្សឹមៗ​ យូរៗ​ទៅ​អ្នក​នឹង​រក​អតិថិជន​ និង​ចំណូល​បាន​គ្រប់គ្រាន់​ដើម្បី​ជំរុញ​ខ្លួន​អ្នក​អោយ​ផុត​ពី​ដំណាក់កាល​ប្រឹង​រស់។ នៅ​ចំណុច​នេះ​ អ្នក​នឹង​អាច​ពង្រឹង​ស្ថិរភាព​របស់​អ្នក​អោយ​នឹងន រក​ចំណូល​បាន​ក្នុង​កម្រិត​មូល​ដ្ឋាន​ ហើយ​ដំណើរការ​ផ្ទៃ​ក្នុង​របស់​អ្នក​នឹង​មាន​លំនឹង​ទាំង​អស់។ អ្នក​នឹង​រៀន​ទុក​ចិត្ត​លើ​ក្រុម​ស្នូ​​របស់​អ្នក ផលិតផល​របស់​អ្នក​នឹង​មាន​ជាប់​រហូត ហើយ​តាម​ទ្រឹស្តី​អ្នក​នឹង​ចាប់​ផ្ដើម​គិត​ថា​ពាណិជ្ជកម្ម​របស់​អ្នក​អាច​ទ្រទ្រង់​ខ្លួន​ឯង​បាន​​រហូត។ ពាណិជ្ជកម្ម​មួយ​ចំនួន​​គាំង​នៅ​ដំណាក់កាល​នេះ ហើយ​នោះ​មិន​មែន​ជា​រឿង​ខុស​ទេ ដរាប​ណា​អ្នក​មិន​មាន​​ធុរកិច្ច​បន្ថែម​ទៀត​ដែល​ត្រូវ​តាម​ប្រមាញ់។ […]

អានបន្ថែម

តើ​អ្នក​រកស៊ី​លើក​ទី​មួយ​គួរ​ប្រថុយ​នឹង​ហានិភ័យ​ដល់កំរិតណា?

កត្តា​ប្រឈម ជា​ពិសេស​កត្តា​ប្រឈម​របស់​​សហគ្រិន មាន​ពីរ​ផ្នែក៖ ការ​ប៉ាន់​ប្រមាណ​ និង​សកម្មភាព។ បន្ទាប់​ពី​កត់​សំគាល់​ដឹង​ពី​ឱកាស និង​ប៉ាន់​ស្មាន​ដឹង​ពី​កត្តា​ប្រឈម​ដោយ​ការ​និយាយ​ជាមួយ​អ្នក​ជំនាញ​ និង​ធ្វើ​កិច្ចការ​ផ្ទះ​របស់​អ្នក​ហើយ ផ្នែក​បន្ទាប់​​នៃ​ផ្នត់​គំនិត​​របស់​សហគ្រិន​គឺ​ប្រឈមមុខ​នឹង​​ហានិភ័យ​នោះ។ ប៉ុន្តែ​​ហានិភ័យ​​ទំហំ​ប៉ុណ្ណា​​ដែល​ស័ក្ដិសម​នឹង​ប្រថុយ? កំណត់​ត្រា​ចំពោះ​ទំហំ​នៃ​ហានិភ័យ​មិន​ច្បាស់​លាស់​ទេ។ សម្រាប់​សហគ្រិន​ដ៏​ជោគជ័យ​ដូច​ជា​លោក Richard Branson ដែល​បង្រៀន​ពី​ការ​ប្រថុយ​នឹង​ហានិភ័យ​អះអាង​ថា ការ​ប្រថុយ​នឹង​ហានិភ័យ​ដូច​ជា​លាលែង​ពី​ការងារ​ទៅ​ចាប់ផ្ដើម​អាជីវកម្ម​គឺ​ដើម្បី​គោលដៅ​មួយ។ ពេល​ដែល​អ្នក​មិន​ជ្រើសរើស​យក​ការ​ប្រថុយ​នឹង​ហានិភ័យ នោះ​មាន​ន័យ​ថា អ្នក​ជ្រើសរើស​​វិថី​ដែល​មិន​ប្រែក្លាយ​ខ្លួន​ជា​សហគ្រិន។ ការប្រឈម​នឹង​ហានិភ័យ និង​សហគ្រិនភាព​មិន​មែន​សម្រាប់​មនុស្ស​គ្រប់​គ្នា​ទេ។ ប៉ុន្តែ​ក៏​មិន​មាន​វិថី​ឆ្ពោះ​ទៅ​ជីវិត​ជា​សហគ្រិន​ដែល​មិន​មាន​ហានិភ័យ​ដែរ។ ដើម្បី​ឈ្នះ​អ្នក​ត្រូវ​តែ​ភ្នាកល់។ សម្រាប់​អ្នក​ដែល​​គ្មាន​បេះដូង​ជា​អ្នក​ផ្សង​ព្រេង ឬ​ប្រថុយនឹង​ហានិភ័យ អាច​ភ្នាល់​ ប្រថុយ​ចំណាយ​លុយ កម្លាំង គំនិត​បាន​ គឺ​ជំនាញ។ ប្រសិន​បើ​អ្នក​ត្រៀម​ខ្លួន​រួច​រាល់​ហើយ​​ដើម្បី​ប្រថុយ​នឹង​ហានិភ័យ ខាង​ក្រោម​នេះ​គឺ​ជា​បទ​ពិសោធន៍ និង​គន្លឹះ​ដែល​លោក Richard Branson ស្រង់​ចេញ​ពី​សាលា​បង្រៀន​សហគ្រិន​ពី​​ការ​ប៉ាន់​ប្រមាណ​ហានិភ័យ៖ ១៖ ចាប់​ផ្ដើម​តូច ប្រសិន​បើ​អ្នក​ទើប​បោះ​ជំហាន​ចូល​ក្នុង​វិថី​សហគ្រិន​ជា​លើក​ដំបូង ការ​វិនិយោគ​ខ្នាត​តូច​គឺ​ជា​ជម្រើស​ល្អ។ ការ​ប្រថុយ​នឹង​ការ​បាត់បង់​គ្រប់​យ៉ាង​ដែល​​អ្នក​មាន​នៅ​ក្នុង​ដំណើរ​ការ​អាជីវកម្ម​ទី​មួយ​របស់​អ្នក​មិន​មែន​ជា​រឿង​វៃ​ឆ្លាត​ទេ។ ២៖ ប៉ាន់​ប្រមាណ​ពី​បរាជ័យ បរាជ័យ​មិន​មែន​ជា​ពាក្យ​ ឬ​រឿង​អាក្រក់​ទេ។ ស្វែង​យល់​ពី​អ្វី​ដែល​មនុស្ស​ចង់​បាន​តាម​រយៈ​ការ​រៀន​ពី​អ្វី​ដែល​ពួក​គេ​មិន​ចង់​បាន​គឺ​ជា​ផ្នែក​មួយ​នៃ​ដំណើរការ។ ប៉ុន្តែ​អ្នក​ដែល​ប្រថុយ​នឹង​ហានិភ័យ​ជា​លើក​ដំបូង​គួរ​តែ​ត្រៀម​ខ្លួន​សម្រាប់​លទ្ធភាព​ដែល​ការ​វិនិយោគ​របស់​ពួក​គេ​មិន​អោយ​ផល។ ៣៖ បញ្ហា​បន្ទាប់​ ខណៈ​ដែល​អ្នក​មិន​អាច​គ្រប់គ្រង​លទ្ធផល​ដែល​ចេញ​មក អ្នក​អាច​មាន​ឥទ្ធិពល​លើ​លទ្ធផល​នៃ​ហានិភ័យ​របស់​អ្នក។ ការ​ខិតខំ ភាព​ចេះ​បត់បែន និង​ដើរ​ទី​ផ្សារ អាច​ជះ​ឥទ្ធិពល​លើ​លទ្ធភាព​នៃ​ជោគជ័យ​ក្នុង​ជំនួញ​របស់​អ្នក។ […]

អានបន្ថែម

កំហុសទំាង ៥ យ៉ាងដែលអ្នកមិនត្រូវធ្វើ បើសិនជាអ្នកចង់​ជោគជ័យ​ក្នុង​អាជីវកម្ម

គ្រាមួយ​នៃ​​ជីវិត​មនុស្ស​ភាគ​ច្រើន​គឺ​គិត​ដល់​ការ​ចាប់​ផ្ដើម​​អាជីវកម្ម​ដោយ​ខ្លួន​ឯង។ ការ​ក្លាយ​ជា​ថៅកែ​លើ​ខ្លួន​ឯង​អាច​ជា​ភាព​ខ្លាង​មួយ ប៉ុន្តែ​រឿង​ដែល​សំខាន់​ដែល​ត្រូវ​ចង​ចាំ​គឺ ចាប់​ផ្ដើម​ពាណិជ្ជកម្ម​មួយ​គឺ​ជា​ការ​ប្រឈម។ យោង​តាម​ការ​ស្រាវជ្រាវ​ថ្មីៗ​របស់ SBA រាយការណ៍​ថា ប្រហែល​៥០%​នៃ​ពាណិជ្ជកម្ម​តូចៗ​នឹង​ដួល​រលំ​នៅ​ក្នុង​រយៈ​ពេល​ត្រឹម​តែ​៥​ឆ្នាំ​ប៉ុណ្ណោះ។ ទោះ​ជា​យ៉ាង​ណា​ប្រសិន​បើ​អ្នក​បាន​សម្រេច​ចិត្ត​ចាប់​ផ្ដើម​​​អាជីវកម្ម​ផ្ទាល់​ខ្លួន​ហើយ វា​ជា​រឿង​ល្អ​ដែល​អ្នក​ត្រូវ​រៀន​ពី​កំហុស​របស់​អ្នក​ដទៃ ហើយ​រៀបចំ​ខ្លួន​អ្នក​ដើម្បី​ជោគជ័យ។ ខាង​ក្រោម​នេះ​គឺ​​ជា​កំហុស​ទាំង​៥​ត្រូវ​គេច​អោយ​ផុត ដែល​ត្រូវ​បាន​ណែនាំ​ដោយ​សហគ្រិន​ជោគជ័យ៖ ១៖ ប៉ាន់​ប្រមាណ​តម្រូវការ​ផលិតផល​ ឬ​សេវា​របស់អ្នក​មិន​ត្រឹម​ត្រូវ​ ព្រោះ​តែ​អ្នក​ចូល​ចិត្ត​រាំ មិន​មែន​មាន​ន័យ​ថា​មនុស្ស​គ្រប់​គ្នា​ចូល​ចិត្ត​រាំ​ដែរ​នោះ​ទេ។ ពាណិជ្ជកម្ម​តូចៗ​ជា​ច្រើន​​បរាជ័យ ព្រោះ​ម្ចាស់​ពាណិជ្ជកម្ម​ប៉ាន់ប្រមាណ​តម្រូវការ​ខុស។ មុន​ពេល​អ្នក​ចាប់​ផ្ដើម​អាជីវកម្មរបស់​អ្នក អ្នក​ត្រូវ​ស្វែង​យល់​ថា​តើ​តម្រូវ​ការ​លើ​ផលិតផល ឬ​សេវាកម្ម​របស់​អ្នក​ខ្លាំង​ ឬ​ធំ​ប៉ុណ្ណា។ តើ​នោះ​ជា​ផលិតផល ឬ​សេវា​កម្ម​ដែល​មនុស្ស​ភាគ​ច្រើន​ត្រូវ​ការ​ទេ? តើវា​ត្រូវ​ជា​មួយ​នឹង​ទំនោរ​នៃ​ការ​និយម​ក្នុង​បច្ចុប្បន្ន​ភាព​ទេ? ឧទាហរណ៍៖ ការ​បើក​តូប​ជួល​ DVD មិន​មែន​ជា​គំនិត​ល្អ​ទេ ព្រោះ​តែ​ប្រជាប្រិយភាព​នៃ​ការ​ទស្សនា​វីដេអូ​លើ​ប្រព័ន្ធ​អ៊ីនធឺណិត។ ដូច្នេះ​អ្នក​ត្រូវ​តែ​ស្រាវជ្រាវ និង​ស្វែង​យល់​ពី​តម្រូវការ​លើ​ផលិតផល ឬ​សេវាកម្ម​ដែល​អ្នក​គ្រោង​នឹង​ចាប់​ផ្ដើម​មុន​នឹង​សម្រេ​ច​ចិត្ត​​បោះ​ជំហាន។ ២៖ ចូល​ប្រកួត​ក្នុង​ទីផ្សារ​ដោយ​គ្មាន​លក្ខណៈ​ពិសេស​ដាច់​ដោយឡែក​ពី​គេ អ្នកប្រហែល​អាច​ចំអិន​ហាប់ប៊ើហ្គឺ ឬ​ធ្វើ​ភីហ្សា​ដ៏​មាន​ឱជារស ប៉ុន្តែ​មុន​នឹង​អ្នក​ព្យាយាម​បង្កើត​អាជីវកម្ម​លើ​ទេពកោសល្យ​នេះ អ្នក​ត្រូវ​គិត​ពី​របៀប​ដែល​​នឹង​ធ្វើ​អោយ​​អាជីវកម្ម​របស់​អ្នក​ខុសពី​ហាងប៊ើហ្គឺ និង​ភីហ្សា ដទៃ​។ វា​ជារឿង​សំខាន់​ដែល​យើង​ត្រូវ​គិត​ដល់​តម្លៃ រសជាតិ ការតុបតែង​ សេវា ល្បឿន ការ​ផ្សព្វផ្សាយ និង​ជម្រើស​ផ្សេង​ទៀត​​ដែល​ធ្វើ​​អោយ​អាជីវកម្ម​របស់​​អ្នក​ប្លែក​ដោយ​ឡែក​ពី​គេ។ ៣៖ ភ្លេច​គិត​រឿង​ចំណាយ ដើមទុន​មិន​គ្រប់​គឺ​ជា​ហេតុ​មួយ​ក្នុង​ចំណោម​ហេតុផល​ចម្បង​ដែល​ធ្វើ​អោយ​ពាណិជ្ជកម្ម​មួយ​បរាជ័យ ដូច្នេះ​មុន​ពេល​អ្នក​ចាប់​ផ្ដើម អ្នក​ត្រូវ​ពិនិត្យ​គិតគូរ​អោយ​ច្បាស់​ពី​ការ​ចំណាយ […]

អានបន្ថែម

រឿងទាំង ១០​ យ៉ាងដែល​លោក Daniel​ Ally​ នឹកឃើញមុនពេល ក្លាយ​ជាសេដ្ឋី​នៅ​វ័យ​២៤​ឆ្នាំ

“ចង់​ក្លាយ​ជា​ចៅហ្វាយ អ្នក​ត្រូវ​តែ​ចេញ​ថ្លៃ​ចំណាយ”។ លោក Daniel Ally និយាយ។ ការ​ចំណាយ​នៅ​ក្នុង​អត្ថន័យ​របស់​លោក​មិន​មែន​សំដៅ​លើ​លុយ​ទេ​គឺ វិន័យ។ លោក​ថា គ្មាន​អ្នក​ដឹកនាំ​ណា​ម្នាក់​សម្រេច​ជោគជ័យ​ដោយ​មិន​មាន​វិន័យ​នៅ​កម្រិត​ណា​មួយ​នោះ​ទេ។ មនុស្ស​ដែល​មាន​វិន័យ​គឺ​ជា​មនុស្ស​ដែល​មាន​ឆន្ទៈ និង​អាច​លះបង់​ការ​សប្បាយ​រយៈ​ពេល​ខ្លី ដើម្បី​ភាព​រីករាយ​រយៈ​ពេល​វែង។ ជាការ​ពិត​ដើម្បី​ក្លាយ​ជា​មនុស្ស​មាន​វិន័យ គឺ​ទាមទារ​អ្នក​អោយ​មាន​ទម្លាប់​ប្រចាំ​ថ្ងៃ។     សេដ្ឋី​រូប​នេះ​និយាយ​ថា មាន​តែ​មនុស្ស​ដែល​មាន​វិន័យ​ទេ​ទើប​អាច​ប្រែ​ក្លាយ​ជីវិត​របស់​ខ្លួន​តាម​គោលដៅ​បាន។ លោក​អះអាង​​ថា ទម្លាប់​អាច​ផ្លាស់​ប្ដូរ​ទិស​ដៅ​ជីវិតរបស់​អ្នក​បាន។ ខណៈ​មនុស្ស​ខ្លះ​មាន​ទម្លាប់​គួរ​អោយ​អាណិត​គឺ​និយាយ​ដើម​គេ អ្នក​ខ្លះ​មាន​ទម្លាប់​ដ៏​មាន​ឥទ្ធិពល​គឺ ចូល​ចិត្ត​លើក​សរសេរ​ពី​អ្នក​ដទៃ។ “មិន​ថា​អ្នក​ជា​អ្នក​ណា មក​ពី​ណា ទម្លាប់​របស់​អ្នក​អាច​បង្កើត​អ្នក ឬ​បំផ្លាញ​អ្នក​បាន”។ Daniel Ally៖ តើ​អ្នក​មាន​ទម្លាប់​យ៉ាង​ណា​ខ្លះ? ទម្លាប់​ទាំង​នោះ​នាំ​អ្នក​ឆ្ពោះ​ទៅ​ណា? ខាង​ក្រោម​នេះ​ជា​ទម្លាប់​ទាំង​១០ ដែល​ធ្វើ​អោយ​អ្នក​ក្លាយ​ជា​សេដ្ឋី៖ (១០​ចំណុច​នេះ​ជា​សំដី​ចែករំលែក​ផ្ទាល់​របស់​ Daniel Ally)   ១៖ រៀន​សូត្រ ទី​មួយ​ និង​សំខាន់​ជាង​គេ អ្នក​មិន​គួរ​អោយ​ថ្ងៃ​ណា​មួយ​រំលង​ទៅ​ដោយ​មិន​បាន​រៀន​ទេ។ ការ​រៀន​សូត្រ​អាច​កើត​ឡើង​តាម​គ្រប់​បែបបទ។ សម្រាប់​ខ្ញុំ ខ្ញុំ​រៀន​ជា​រៀង​រាល់​ថ្ងៃ​យ៉ាង​​តិច​បំផុត​៣​ម៉ោង​ក្នុង​មួយ​ថ្ងៃ។ ការ​រៀន​នេះ​រាប់​បញ្ចូល​ទាំង​ទម្លាប់៖ អាន​វចនា​នុក្រម អាន​សៀវភៅ មើល​វីដេអូ មើល​និង​ឆ្លើយ​មតិ និយាយ​ទៅ​​កាន់​គ្រូ​បង្វឹក។ នៅ​ក្នុង​ចំណោម​ទម្លាប់​ទាំង​នេះ អាន​គឺ​សំខាន់​ជាង​គេ។ ខ្ញុំ​អាន​​មិន​អោយ​លស់​មួយ​ថ្ងៃ​ទេ […]

អានបន្ថែម